 "Operation Sindoor: 'അംഗണവാടി ഉൾപ്പടെ എല്ലാ സ്കൂളുകൾക്കും അവധി'; പ്രഖ്യാപനവുമായി ജോധ്പൂര് കളക്ടർ")
അംഗണവാടി ഉൾപ്പടെ എല്ലാ സ്കൂളുകൾക്കും അവധി നൽകി ജോധ്പൂർ കളക്ടര്. ഓപ്പറേഷന് സിന്ദൂറിന് പിന്നാലെയാണ് രാജസ്ഥാനിലെ ജോധ്പൂര് ജില്ലയില് കനത്ത ജാഗ്രത പുറപ്പെടുവിച്ചത്. ഇനിയൊരു ഉത്തരവ് ഉണ്ടാകും വരെ ജോധ്പൂരിലെ മുഴുവന് സര്ക്കാര്, സ്വകാര്യ സ്കൂളുകളും അംഗണവാടികളും അടച്ചിടാനാണ് ജില്ലാ കളക്ടര് ഗൗരവ് അഗര്വാള് ഉത്തരവിട്ടത്. ജോധ്പൂരിന് പുറമെ ശ്രീഗംഗാനര്, ബിക്കാനര്, ജയ്സാല്മീര്, ബര്മെര് ജില്ലകളിലും സ്കൂളുകള്ക്ക് അവധി പ്രഖ്യാപിച്ചതായി റിപ്പോര്ട്ടുണ്ട്.
രാജസ്ഥാനിലെ വിവിധ നഗരങ്ങളിലും ഇന്നലെ മോക്ക് ഡ്രില് സംഘടിപ്പിച്ചിരുന്നു. ആദ്യഘട്ട മോക്ക്ഡ്രിൽ വൈകിട്ട് 4 മണിയോടെയാണ് നടന്നത്. ഇതിന് ശേഷം രാത്രി 8.30 മുതല് 8.45 വരെ വൈദ്യുതിബന്ധം പൂര്ണമായും വിച്ഛേചിച്ചു. വാഹനങ്ങളുടെ ഹെഡ്ലൈറ്റുകള് ഓഫ് ചെയ്യാന് സുരക്ഷാ ഉദ്യോഗസ്ഥര് നിര്ദേശിച്ചു. ട്രെയിന് സര്വീസുകള് 15 മിനിറ്റ് സമയം നിര്ത്തിവച്ച് മോക്ക് ഡ്രില്ലിനോട് ഐക്യദാര്ഢ്യം പ്രഖ്യാപിക്കുകയും ചെയ്തു. പാകിസ്ഥാന് വെടിനിര്ത്തല് കരാര് തുടര്ച്ചയായി ലംഘിക്കുന്ന പശ്ചാത്തലത്തില് കനത്ത ജാഗ്രതയാണ് ജോധ്പൂരിലുള്ളത്. ജാഗ്രതാ നിര്ദേശത്തെ തുടര്ന്ന് ഇന്ത്യയില് അടച്ചിട്ടിരിക്കുന്ന വിമാനത്താവളങ്ങളിലൊന്നാണ് ജോധ്പൂര്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
