 "Kedarnath Accident: കേദാർനാഥിൽ തീർഥാടകർക്ക് മുകളിലേക്ക് പാറക്കഷ്ണം വീണ് രണ്ട് പേർ മരിച്ചു; മൂന്ന് പേരുടെ നില ഗുരുതരം")
)
ഉത്തരാഖണ്ഡ്: കേദാർനാഥ് തീർഥാടന യാത്രയ്ക്കിടെ വീണ്ടും അപകടം. പാറക്കഷ്ണം തീർഥാടകർക്ക് ഇടയിലേക്ക് വീണാണ് അപകടമുണ്ടായത്. രണ്ട് തീർഥാടകർ മരിച്ചു. അപകടത്തിൽ മൂന്ന് പേർക്ക് പരിക്കേറ്റു. പരിക്കേറ്റവരുടെ ആരോഗ്യനില ഗുരുതരമാണ്. മണ്ണിടിച്ചിലിനെ തുടർന്നാണ് പാറക്കഷ്ണം തീർഥാടകർക്ക് ഇടയിലേക്ക് പതിച്ചത്.
ദുരന്തനിവാരണ സേനാംഗങ്ങൾ രക്ഷാപ്രവർത്തനം തുടരുകയാണ്. ഈ വർഷം കേദാർനാഥ് ക്ഷേത്രത്തിലേക്കുള്ള തീർഥാടന യാത്ര ആരംഭിച്ചതിന് ശേഷമുള്ള അഞ്ചാമത്തെ അപകടമാണിത്. ഞായറാഴ്ച കേദാർനാഥിലുണ്ടായ ഹെലികോപ്ടർ അപകടത്തിൽ ഏഴ് പേർ കൊല്ലപ്പെട്ടിരുന്നു. കേദാർനാഥിൽ നിന്ന് ഗുപ്തകാശിയിലേക്ക് പോയ ഹെലികോപ്ടറാണ് അപകടത്തിൽപ്പെട്ടത്.
ഗൗരികുണ്ഡിന് സമീപമാണ് ആര്യൻ ഏവിയേഷന്റെ ഹെലികോപ്ടർ തകർന്നുവീണത്. ആറ് യാത്രക്കാരും പൈലറ്റും ഉൾപ്പെടെ ഏഴ് പേരാണ് ഹെലികോപ്ടർ തകർന്ന് മരിച്ചത്. രണ്ട് വയസുള്ള കുഞ്ഞും അപകടത്തിൽ മരിച്ചു. അപകടത്തിൽപ്പെട്ടത് 407 ഹെലികോപ്ടറാണ്. കാട്ടിൽ തകർന്ന് വീണ ഹെലികോപ്ടർ പ്രദേശവാസികളാണ് ആദ്യം കണ്ടത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
