 "Malayali Nuns Arrest: ഛത്തീസ്ഗഡിൽ അറസ്റ്റ് ചെയ്യപ്പെട്ട കന്യാസ്ത്രീകൾ ഹൈക്കോടതിയിലേക്ക്")
റായ്പൂർ: ഛത്തീസ്ഗഡില് മനുഷ്യക്കടത്ത് ആരോപിച്ച് അറസ്റ്റ് ചെയ്യപ്പെട്ട കന്യാസ്ത്രീകള് ഹൈക്കോടതിയെ സമീപിക്കുമെന്ന് റിപ്പോർട്ട്. സെഷന്സ് കോടതി ജാമ്യാപേക്ഷ തള്ളിയ പശ്ചാത്തലത്തിലാണ് കന്യാസ്ത്രീകള് ഹൈക്കോടതിയെ സമീപിക്കാന് ഒരുങ്ങുന്നത് എന്നാണ് റിപ്പോർട്ട്.
എന്ഐഎ കോടതിയില് സമീപിക്കേണ്ടതില്ലെന്ന നിയമോപദേശം ലഭിച്ച സാഹചര്യത്തിലാണ് ഈ തീരുമാനം എന്നാണ് റിപ്പോർട്ട്. എന്ഐഎ കോടതിയില് നിയമ നടപടികള് സങ്കീര്ണമാകുമെന്നാണ് വിലയിരുത്തല്. അതുകൊണ്ടുതന്നെ കന്യാസ്ത്രീകള്ക്കായി നാളെ ഛത്തീസ്ഗഡ് ഹൈക്കോടതിയില് ജാമ്യാപേക്ഷ സമര്പ്പിക്കുമെന്നാണ് റിപ്പോർട്ട്.
കന്യാസ്ത്രീകളുടെ ജാമ്യാപേക്ഷ പരിഗണിക്കാന് നേരത്തേ ദുര്ഗ് മജിസ്ട്രേറ്റ് കോടതിയും സെഷന്സ് കോടതിയും തയ്യാറായിരുന്നില്ല. ഇതേ തുടര്ന്നാണ് ഇവർ ഹൈക്കോടതിയെ സമീപിക്കാന് തീരുമാനിച്ചത്. സെഷന്സ് കോടതിയില് കന്യാസ്ത്രീകളുടെ ജാമ്യാപേക്ഷയെ എതിര്ത്ത പ്രോസിക്യൂഷന് ശക്തമായ വാദങ്ങളാണ് നിരത്തിയത്.
കന്യാസ്ത്രീകള്ക്കെതിരെ മനുഷ്യക്കടത്ത് അടക്കമുള്ള വകുപ്പുകളാണ് ചുമത്തിയിരിക്കുന്നതെന്നും കേസ് പരിഗണിക്കേണ്ടത് സെഷന്സ് കോടതിയിലല്ലെന്നും പ്രോസിക്യൂഷന് ശക്തമായി വാദിച്ചു. മാത്രമല്ല എന്ഐഎ നിയമം അനുസരിച്ച് മനുഷ്യക്കടത്ത് കേസുകള് പ്രത്യേക കോടതിയാണ് പരിഗണിക്കേണ്ടതെന്നും പ്രോസിക്യൂഷന് ചൂണ്ടിക്കാട്ടിയിട്ടുണ്ട്. തുടർന്ന് ഇത് അംഗീകരിച്ച കോടതി കന്യാസ്ത്രീകളോട് എന്ഐഎ കോടതിയെ സമീപിക്കാന് നിര്ദേശിക്കുകയായിരുന്നു. ഇതിന് പിന്നാലെയാണ് കന്യാസ്ത്രീകളുടെ അഭിഭാഷകര് നിയമോപദേശം തേടിയത്.
ഈ ശനിയാഴ്ചയാണ് ഛത്തീസ്ഗഡിലെ ദുര്ഗില് മനുഷ്യക്കടത്ത് ആരോപിച്ച് രണ്ട് കന്യാസ്ത്രീകളെ അറസ്റ്റ് ചെയ്തത്. കണ്ണൂര് തലശ്ശേരി ഉദയഗിരി ഇടവകയില് നിന്നുള്ള സിസ്റ്റര് വന്ദന ഫ്രാന്സിസ്, അങ്കമാലി എളവൂര് ഇടവക സിസ്റ്റര് പ്രീതി മേരി എന്നിവരെ ആയിരുന്നു അറസ്റ്റു ചെയ്തത്. ഇവര്ക്കൊപ്പം മൂന്ന് പെണ്കുട്ടികളുണ്ടായിരുന്നു. ഈ പെണ്കുട്ടികളെ കടത്തുകയാണെന്നും നിര്ബന്ധിത മത പരിവര്ത്തനത്തിന് ഇരയാക്കുകയാണെന്നും ആരോപിച്ച് ബജ്റംഗ്ദള് പ്രവര്ത്തകർ രംഗത്തെത്തിയിരുന്നു. കന്യാസ്ത്രീകളെ ബജ്റംഗ്ദള് പ്രവര്ത്തകര് തടഞ്ഞുവെച്ചതിന് പിന്നാലെയാണ് കന്യാസ്ത്രീകളെ അറസ്റ്റ് ചെയ്തത്. ഇരുവര്ക്കെതിരെ നിര്ബന്ധിത മത പരിവര്ത്തനം, മനുഷ്യക്കടത്ത് അടക്കമുള്ള വകുപ്പുകളാണ് ചുമത്തിയിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)