മുംബൈ: പ്രഗ്യാ സിംഗ് ഠാക്കൂറിന് വീണ്ടും തിരിച്ചടി. മാലേഗാവ് സ്ഫോടന കേസുമായി ബന്ധപ്പെട്ട് ആഴ്ചയിലൊരിക്കല് കോടതിയില് ഹാജരാകണം.
മാലേഗാവ് സ്ഫോടനക്കേസുമായി ബന്ധപ്പെട്ട് പ്രതികള് ഹാജരാകാത്തതില് മുംബൈയിലെ പ്രത്യേക സിബിഐ കോടതി അതൃപ്തി അറിയിച്ചതിനെതുടര്ന്നാണ് ഈ നടപടി.
2008ല് നടന്ന സ്ഫോടനക്കേസിന്റെ തുടര്നടപടികളുമായി ബന്ധപ്പെട്ട് പ്രതികളായ പ്രഗ്യാ സിംഗ് ഠാക്കൂര് (ഭോപ്പാലിലെ ബിജെപി സ്ഥാനാര്ഥി), ലഫ്.കേണല് പ്രസാദ് ശ്രികാന്ത് പുരോഹിത് തുടങ്ങിയവരും കേസിലെ മറ്റ് പ്രതികളും ആഴ്ചയില് ഒരിക്കലെങ്കിലും ഹാജരാകണമെന്ന് കോടതി നിര്ദേശം നല്കി.
തിങ്കളാഴ്ചയാണ് ഇനി കേസ് കോടതി പരിഗണിക്കുക.