Mock Drill: രാജ്യവ്യാപക മോക് ഡ്രിൽ; ദൈനംദിന ജീവിതത്തെ എങ്ങനെ ബാധിക്കും?

ന്യൂഡൽഹി: പഹൽ​ഗാം ഭീകരാക്രമണത്തെ തുടർന്ന് ഇന്ത്യ പാകിസ്ഥാൻ സംഘർഷം ശക്തമായിക്കൊണ്ടിരിക്കെ നാളെ രാജ്യവ്യാപകമായി മോക്ക് ഡ്രിൽ നടത്തുകയാണ്. ഏതൊരു അടിയന്തര സാഹചര്യവും നേരിടുന്നതിനുള്ള പരിശീലനമാണ് മോക്ക് ഡ്രില്ലിലൂടെ നൽകുന്നത്. രാജ്യത്തെ 250ൽ അധികം ജില്ലകളിലാണ് മോക്ക് ഡ്രിൽ സംഘടിപ്പിക്കുന്നത്. ഈ ഒരു സമയം ഏതൊരു വ്യക്തിയുടെയും മനസിലുയരുന്ന പ്രധാന ചോദ്യം മോക്ക് ഡ്രിൽ ദൈനംദിന ജീവിതത്തെ അല്ലെങ്കിൽ ദൈനംദിന സേവനത്തെ എങ്ങനെ ബാധിക്കും എന്നതാണ്. 

മോക്ക് ഡ്രില്ലുകൾ നടത്തുന്ന ജില്ലകളിലെ ദൈനംദിന സേവനങ്ങളോ, സ്കൂളുകളിലോ കോളേജുകിലോ അവധി പ്രഖ്യാപിക്കുന്നത് സംബന്ധിച്ച് സർക്കാരിൽ നിന്നും നിർദ്ദേശങ്ങളൊന്നും വന്നിട്ടില്ല. 

ഈ ജില്ലകളിലെ സ്കൂളുകൾക്കും കോളേജുകൾക്കും അവധി പ്രഖ്യാപിക്കുന്നതിനെക്കുറിച്ചോ ഓൺലൈൻ ക്ലാസുകൾ നടത്തുന്നതിനെക്കുറിച്ചോ ഇതുവരെ ഒരു അപ്‌ഡേറ്റും ലഭിച്ചിട്ടില്ല. അത് കൂടാതെ ബാങ്കുകളും തുറന്ന് പ്രവർത്തിക്കാനാണ് സാധ്യത. ബാങ്കുകൾ അടച്ചിടുന്നത് സംബന്ധിച്ച് ഒരു അറിയിപ്പോ ഉത്തരവോ വന്നിട്ടില്ല.

Also Read: India against Pakistan: കടുപ്പിച്ച് ഇന്ത്യ; പാകിസ്ഥാനിലേക്കുള്ള ജലമൊഴുക്കിൽ കൂടുതൽ നിയന്ത്രണം

പൊതുജനങ്ങൾക്ക് പരിഭ്രാന്തിയോ അസൗകര്യമോ ഉണ്ടാക്കാതെ സുഗമമായി പരിശീലനം നടത്താനാണ് അധികൃതർ ശ്രമിക്കുന്നതെങ്കിലും ചില പ്രദേശങ്ങളിലെ താമസക്കാർക്ക് ഗതാഗതക്കുരുക്ക്, റോഡുകൾ താൽക്കാലികമായി അടയ്ക്കൽ, ഇന്റർനെറ്റ് തടസ്സങ്ങൾ അല്ലെങ്കിൽ വൈദ്യുതി തടസ്സങ്ങൾ എന്നിവ നേരിടേണ്ടി വന്നേക്കാം. പൊതുഗതാഗത സംവിധാനങ്ങൾ, ട്രെയിനുകൾ, ബസുകൾ, വിമാനങ്ങൾ എന്നിവയുൾപ്പെടെയുള്ള ദൈനംദിന സേവനങ്ങൾ ഷെഡ്യൂൾ പ്രകാരം പ്രവർത്തിക്കുമെന്നാണ് ഉദ്യോഗസ്ഥർ അറിയിച്ചിരിക്കുന്നത്. ആശുപത്രികൾ തുടങ്ങിയ അവശ്യ സേവനങ്ങളും പൂർണ്ണമായും പ്രവർത്തനക്ഷമമായിരിക്കും.

ആകാശമാർ​ഗം ഉണ്ടാകുന്ന ആക്രമണങ്ങളെ തടയുന്നതിനായി എയർ സൈറൺ, ജനങ്ങളെ അടിയന്തരമായി ഒഴിപ്പിക്കാനും മാറ്റിപ്പാർപ്പിക്കാനും സൗകര്യം, ബ്ലാക്ക് ഔട്ട് ഡ്രിൽ തുടങ്ങിയ 10 കാര്യങ്ങളാണ് കേന്ദ്രം നിർദേശിച്ചിരിക്കുന്നത്. കേരളം ഉൾപ്പെടെയുള്ള തീരമേഖല അധികമുള്ള സംസ്ഥാനങ്ങളിലും പടിഞ്ഞാറൻ സംസ്ഥാനങ്ങളിലും ഉയർന്ന ജാ​ഗ്രതാ നിർദേശം പുറപ്പെടുവിച്ചിട്ടുണ്ട്. ഇന്ത്യ പാക് സംഘർഷം ഏത് തലത്തിലേക്കും നീങ്ങാമെന്നാണ് സർക്കാർ വൃത്തങ്ങൾ വ്യക്തമാക്കുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.