NEET UG Result 2025: പരീക്ഷയുടെ ഫലവും അന്തിമ ഉത്തരസൂചികയും പുറത്തിറക്കിയിട്ടുണ്ട്
)
NEET UG Result 2025 Declared: നാഷണൽ എലിജിബിലിറ്റി കം എൻട്രൻസ് ടെസ്റ്റ് (നീറ്റ്) യുജി 2024 പരീക്ഷാ ഫലം പ്രഖ്യാപിച്ചു. പരീക്ഷയുടെ ഫലവും അന്തിമ ഉത്തരസൂചികയും പുറത്തിറക്കിയിട്ടുണ്ട്. പരീക്ഷ എഴുതിയ ഉദ്യോഗാര്ത്ഥികള്ക്ക് അവരുടെ ഫലം neet.nta.nic.in എന്ന ഔദ്യോഗിക വെബ്സൈറ്റിലൂടെ അറിയാനാകും. ഇതോടൊപ്പം അന്തിമ ഉത്തരസൂചിക എടുക്കാനാകും.
രാജസ്ഥാന് സ്വദേശി മഹേഷ് കുമാറിനാണ് ഒന്നാം സ്ഥാനം. മധ്യപ്രദേശ് സ്വദേശി ഉത്കര്ഷ് അവാധിയയ്ക്കാണ് രണ്ടാം സ്ഥാനം. മഹാരാഷ്ട്ര സ്വദേശഷി കൃഷാംഗ് ജോഷിയാണ് മൂന്നാം സ്ഥാനം നേടിയത്. അതേസമയം, കേരളത്തില് നിന്ന് പരീക്ഷ എഴുതിയ 73,328 പേര് യോഗ്യത നേടിയിട്ടുണ്ട്. ആദ്യ നൂറ് റാങ്കുകളില് മലയാളികള് ഇടം നേടിയില്ല. മലയാളിയായ ദീപ്നിയ ഡിബി 109ാം റാങ്ക് നേടി.
ഫലം എങ്ങിനെ പരിശോധിക്കാം
neet.nta.nic.in സന്ദര്ശിക്കുക.
ഹോംപേജില് 'NEET UG 2025 Result' എന്ന ലിങ്ക് ക്ലിക്ക് ചെയ്യുക.
അപേക്ഷ നമ്പര്, ജനനത്തീയതി, സുരക്ഷാ പിന് എന്നിവ നല്കുക.
സ്കോര്കാര്ഡ് ആക്സസ് ചെയ്ത് ഡൗണ്ലോഡ് ചെയ്യുക.
ഭാവി റഫറന്സിനായി പകര്പ്പ് സേവ് ചെയ്യുകയോ പ്രിന്റെടുത്ത് സൂക്ഷിക്കുകയോ ചെയ്യുക.
ഉദ്യോഗാര്ത്ഥികള് അവരുടെ സ്കോര് കാര്ഡ് ഡൗണ്ലോഡ് ചെയ്ത് സുരക്ഷിതമായി സൂക്ഷിക്കണം. രാജ്യത്തെ 557 നഗരങ്ങളിലെ 4,750 കേന്ദ്രങ്ങളിലും വിദേശത്തെ 14 കേന്ദ്രങ്ങളിലുമായി മെയ് 4നാണ് നീറ്റ് യുജി പരീക്ഷ നടന്നത്. 22.7 ലക്ഷം വിദ്യാര്ത്ഥികളാണ് ആകെ പരീക്ഷയെഴുതിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
