Pak Missile Attack Intercepted: പഞ്ചാബിലെ അമൃത്സറിൽ നിന്നാണ് മിസൈലുകളുടെ അവശിഷ്ടങ്ങൾ കണ്ടെത്തിയത്. ഇക്കാര്യം പോലീസ് സ്ഥിരീകരിച്ചിട്ടുണ്ട്.
)
അമൃത്സര്: ഓപ്പറേഷന് സിന്ദൂരിന് ശേഷം പാകിസ്താന് ഏത് രീതിയില് പ്രതികരിക്കും എന്ന് നിരീക്ഷിക്കുകയാണ് ഇന്ത്യ. അതിര്ത്തിയില് ഏകപക്ഷീയമായി അവര് വെടിനിര്ത്തല് കരാര് ലംഘനം തുടരുകയാണ്. ഷെല് ആക്രമണത്തില് പത്തിലേറെ സാധാരണക്കാര് കൊല്ലപ്പെടുകയും ചെയ്തു. ഇതിനിടെയാണ്, മറ്റൊരു വാര്ത്ത പുറത്ത് വരുന്നത്.
പാകിസ്താനില് നിന്ന് തൊടുത്ത് മിസൈലുകള് ഇന്ത്യന് വ്യോമ പ്രതിരോധ സംവിധാനം തകര്ത്തു എന്നതാണ് വാര്ത്ത. തകര്ന്ന മിസൈലുകളുടെ അവശിഷ്ടങ്ങള് പഞ്ചാബില് കണ്ടെത്തിയെന്നും വാര്ത്തകള് വരുന്നുണ്ട്. മെയ് 8, വ്യാഴാഴ്ച രാവിലെ 1.10 നും 1.20 നും ഇടയിലാണ് മിസൈല് ആക്രമണത്തെ ഇന്ത്യ ചെറുത്തത്. പഞ്ചാബിലെ പല സ്ഥലങ്ങളിലും ഈ സമയം വന് സ്ഫോടന ശബ്ദം കേട്ടതായും റിപ്പോര്ട്ടകളുണ്ട്.
#WATCH | Army personnel cordon off the area where projectile debris has been found in the border area of Amritsar district pic.twitter.com/mV9CAY2nO8
— ANI (@ANI) May 8, 2025
വ്യോമ പ്രതിരോധ സംവിധാനം ഉപയോഗിച്ച് നിര്വ്വീര്യമാക്കിയവയാണ് മിസൈലുകള് എന്നത് അവയുടെ അവശിഷ്ടങ്ങള് പരിശോധിച്ചതില് നിന്ന് വ്യക്തമായതായി വാര്ത്തകള് പുറത്ത് വരുന്നുണ്ട്. ഈ സംഭവത്തില് ആര്ക്കും പരിക്കേറ്റതായി സ്ഥിരീകരിച്ചിട്ടില്ല.
തിരിച്ചറിയാന് സാധിക്കാത്ത മിസൈലുകള് പഞ്ചാബിലെ മൂന്ന് സ്ഥലങ്ങളില് നിന്ന് കണ്ടെത്തിയെന്നും വാര്ത്തകള് പുറത്ത് വരുന്നുണ്ട്. അമൃത്സറിന് അടുത്തുള്ള ദുധാല, ജെതുവാല്, പാന്ഥര് എന്നിവിടങ്ങളിലാണ് ഇവ കണ്ടെത്തിയത്. ഇത് പ്രദേശവാസികളില് ആശങ്ക ഉണര്ത്തിയിരുന്നു. ഇത്തരം അവശിഷ്ടങ്ങള് കണ്ടെത്തിയതായി അമൃത്സര് റൂറല് സീനിയര് പോലീസ് സൂപ്രണ്ട് മനീന്ദര് സിങ് സ്ഥിരീകരിച്ചതായി ടൈംസ് നൗ റിപ്പോര്ട്ട് ചെയ്യുന്നു. റോക്കറ്റുകളാണ് ഇവയെന്ന് കണ്ടെത്തിയിട്ടുണ്ട്. സൈന്യം ഉടന് സ്ഥലത്തെത്തുകയും മിസൈലുകള് പരിശോധനയ്ക്കായി കസ്റ്റഡിയില് എടുക്കുകയും ചെയ്തു എന്നാണ് ടൈംസ് നൗ വാര്ത്തയില് പറയുന്നത്.
പുലര്ച്ചെ സ്ഫോടന ശബ്ദം ഉയര്ന്നതിനെ തുടര്ന്ന് അമൃത്സറില് അധികൃതര് ബ്ലാക്ക് ഔട്ട് ഏര്പ്പെടുത്തിയിരുന്നു. നഗരം മുഴുവന് ലൈറ്റുകള് ഓഫ് ചെയ്തു. ഇന്നലേയും ഇന്ന് പുലര്ച്ചെയും ആയി രണ്ട് ബ്ലാക്ക് ഔട്ടുകളാണ് അമൃത്സറില് ഏര്പ്പെടുത്തിയത്. പൂലര്ച്ചെ 4.30 ഓടെ ആണ് വൈദ്യുതി വിതരണം പൂര്ണമായും പുന:സ്ഥാപിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
