Operation Sindoor: സൈനിക കേന്ദ്രങ്ങൾ ലക്ഷ്യംവച്ച് പാകിസ്ഥാന്റെ ആക്രമണം; മിസൈലുകൾ നിലംതൊടും മുൻപ് പ്രതിരോധിച്ച് ഇന്ത്യ

India Operation Sindoor: വ്യോമ പ്രതിരോധ സംവിധാനങ്ങളും ഇന്റ​ഗ്രേറ്റഡ് കൗണ്ടർ യുഎഎസ് ​ഗ്രിഡും ഉപയോ​ഗിച്ച് പാകിസ്ഥാന്റെ ആക്രമണത്തെ ചെറുത്തെന്ന് ഇന്ത്യ വ്യക്തമാക്കി.

ന്യൂ‍ഡൽഹി: ഇന്ത്യയിലെ സൈനിക കേന്ദ്രങ്ങൾ ലക്ഷ്യം വച്ച് ആക്രമണം നടത്തി പാകിസ്ഥാൻ. തിരിച്ചടിച്ച് ഇന്ത്യ. ഡ്രോണുകളും മിസൈലുകളും ഉപയോ​ഗിച്ചായിരുന്നു പാകിസ്ഥാന്റെ ആക്രമണം. വ്യോമ പ്രതിരോധ സംവിധാനങ്ങളും ഇന്റ​ഗ്രേറ്റഡ് കൗണ്ടർ യുഎഎസ് ​ഗ്രിഡും ഉപയോ​ഗിച്ച് ആക്രമണത്തെ ചെറുത്തെന്നും ഇന്ത്യ വ്യക്തമാക്കി. ഇതിന് തിരിച്ചടിയായി ഇന്ന് പുലർച്ചെ ഇന്ത്യൻ സൈന്യം പാകിസ്ഥാനിലെ നിരവധി സ്ഥലങ്ങളിൽ ആക്രമണം നടത്തി.

Add Zee News as a Preferred Source

Harpy drones were used by the Indian military to target enemy air defence systems. https://t.co/dZqlYQhOXO

— ANI (@ANI) May 8, 2025

പാകിസ്ഥാനിലെ ലാഹോറിലെ വ്യോമ പ്രതിരോധ സംവിധാനം ഇന്ത്യ തകർത്തു. അവന്തിപുര, പഠാൻകോട്ട്, ജമ്മു, ശ്രീന​ഗർ, കപൂർത്തല, അമൃത്സർ, ലുധിയാന, ജലന്ധർ, ഭട്ടിൻഡ, ആദംപൂർ, നാൽ, ചണ്ഡി​ഗഢ്, ഭുജ്, ഉത്തർലൈ, ഫലോഡി എന്നിവ ഉൾപ്പെടെയുള്ള വടക്ക് പടിഞ്ഞാറൻ ഇന്ത്യയിലെ നിരവധി സൈനിക കേന്ദ്രങ്ങളെ പാകിസ്ഥാൻ ആക്രമിക്കാൻ ശ്രമിച്ചുവെന്ന് പ്രതിരോധമന്ത്രാലയം സ്ഥിരീകരിച്ചു. പാകിസ്ഥാൻ ആക്രമിച്ചതിന് തെളിവായി നിരവധി സ്ഥലങ്ങളിൽ നിന്ന് ഡ്രോൺ, മിസൈൽ എന്നിവയുടെ അവശിഷ്ടങ്ങൾ ലഭിച്ചിട്ടുണ്ട്.