PM Narendra Modi: രണ്ടു ദിവസത്തെ സന്ദര്ശനത്തിനാണ് മോദി സൗദിയിലെത്തുന്നത്. മൂന്നാം തവണ പ്രധാനമന്ത്രിയായ ശേഷം ആദ്യമായാണ് മോദി സൗദി സന്ദര്ശിക്കുന്നത്.
ന്യൂഡൽഹി: രണ്ടു ദിവസത്തെ സന്ദർശനത്തിനായി പ്രധാനമന്ത്രി ഇന്ന് സൗദിയിലെത്തും. ഉച്ച കഴിഞ്ഞ് രണ്ടര മണിക്ക് ഇന്ത്യൻ സമൂഹം ഒരുക്കുന്ന സ്വീകരണത്തിൽ നരേന്ദ്രമോദി സംസാരിക്കും.
വൈകുന്നേരം സൗദി കിരീടാവകാശി മൊഹമ്മദ് ബിൻ സൽമാനുമായി പ്രധാനമന്ത്രി ചർച്ച നടത്തും. ഇന്ത്യ സൗദി തന്ത്രപ്രധാന സഹകരണ കൗൺസിൽ യോഗവും നടക്കും. ശേഷം പ്രധാനമന്ത്രിക്ക് സൗദി കിരീടാവകാശി അത്താഴ വിരുന്നും നൽകും. ചർച്ചയിൽ ഊർജ്ജ, പ്രതിരോധ രംഗങ്ങളിൽ സഹകരണം ശക്തമാക്കാനുള്ള തീരുമാനം എടുക്കും. സ്വകാര്യ ടൂർ ഏജൻസികൾ വഴി ഹജ്ജിന് പോകുന്നവരുടെ എണ്ണം കൂട്ടി നൽകണമെന്ന അഭ്യർത്ഥന ഇന്ത്യ സൗദിക്ക് മുന്നിൽ വയ്ക്കും.
മൂന്നാം തവണ പ്രധാനമന്ത്രിയായ ശേഷമുള്ള നരേന്ദ്ര മോദിയുടെ ആദ്യ സൗദി സന്ദര്ശനമാണിത്. നരേന്ദ്ര മോദിക്കൊപ്പം വിദേശകാര്യ മന്ത്രി എസ് ജയ്ശങ്കര്, വിദേശകാര്യ സെക്രട്ടറി വിക്രം മിസ്റി എന്നിവരടങ്ങുന്ന പതിനൊന്ന് അംഗ ഉന്നതതല സംഘം ഇന്ന് ജിദ്ദ സന്ദര്ശിക്കും. നാല് പതിറ്റാണ്ടുകള്ക്ക് ശേഷമാണ് ഒരു ഇന്ത്യന് പ്രധാനമന്ത്രി ജിദ്ദ സന്ദര്ശിക്കുന്നത് എന്ന പ്രത്യേകതയും ഇതിനുണ്ട്.
1982 ഏപ്രിലില് അന്നത്തെ പ്രധാനമന്ത്രിയായിരുന്ന ഇന്ദിരാ ഗാന്ധിയുടെ സുപ്രധാന സന്ദര്ശനത്തിന് ശേഷം 43 വര്ഷത്തിന് ശേഷമാണ് ഒരു ഇന്ത്യന് പ്രധാനമന്ത്രി ജിദ്ദ സന്ദര്ശിക്കുന്നത്. ഇതിന് മുമ്പ് 2016 ലും 2019 ലും മോദി സൗദി തലസ്ഥാനമായ റിയാദ് സന്ദര്ശിച്ചിരുന്നുവെങ്കിലും സൗദിയുടെ വാണിജ്യ ഹബ്ബായ ജിദ്ദ സന്ദര്ശിക്കുന്നത് ആദ്യമായാണ്.
ഈ സന്ദര്ശനത്തില് ഊര്ജ്ജം, പ്രതിരോധം, വ്യാപാരം, അടിസ്ഥാന സൗകര്യം തുടങ്ങിയ മേഖലകളില് സുപ്രധാന കരാറുകള് ഒപ്പിടുമെന്നാണ് സൂചന. ഇന്ത്യ മീഡിലീസ്റ്റ് യൂറോപ് വ്യവസായ ഇടനാഴി പുരോഗതിയും ചര്ച്ച ചെയ്യും. ഇന്ത്യന് കമ്പനികള്ക്ക് നിക്ഷേപ അവസരം വര്ധിപ്പിക്കാനും ഈ സന്ദര്ശനത്തിലൂടെ ലക്ഷ്യം വെക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)