 "PM Modi Saudi Visit: പ്രധാനമന്ത്രിയുടെ രണ്ടു ദിവസത്തെ സൗദി സന്ദർശനം നാളെ മുതൽ")
റിയാദ്: പ്രധാനമന്ത്രി നരേന്ദ്ര മോദിയുടെ സൗദി സന്ദര്ശനം നാളെ മുതൽ ആരംഭിക്കും. സൗദി കിരീടവകാശി മുഹമ്മദ് ബിൽ സൽമാന് രാജകുമാരന്റെ ക്ഷണം സ്വീകരിച്ചാണ് മോദി രണ്ട് ദിവസത്തെ സന്ദര്ശനത്തിനായി സൗദിയിലെത്തുന്നത് എന്നാണ് റിപ്പോർട്ട്.
Also Read: നാലു ദിവസത്തെ സന്ദർശനത്തിനായി യുഎസ് വൈസ് പ്രസിഡന്റ് ഡൽഹിയിൽ; പ്രധാനമന്ത്രിയുമായി ഇന്ന് കൂടിക്കാഴ്ച
ഏപ്രില് 22, 23 തീയതികളില് പ്രധാനമന്ത്രി ജിദ്ദയിലുണ്ടാകും. പ്രധാനമന്ത്രി നരേന്ദ്ര മോഡി മൂന്നാം തവണയാണ് സൗദിയിലെത്തുന്നത്. ആദ്യ രണ്ട് തവണ പ്രധാനമന്ത്രിയായപ്പോഴും അദ്ദേഹം സൗദി സന്ദര്ശിച്ചിരുന്നു. ഇത് മൂന്നാം തവണ പ്രധാനമന്ത്രിയായ ശേഷമുള്ള മോദിയുടെ ആദ്യ സൗദി സന്ദര്ശനമാണ്.
ഈ സന്ദര്ശനത്തില് ഇന്ത്യ സൗദി സ്ട്രാറ്റജിക് പാർട്ണർഷിപ് കൗൺസിലിന്റെ രണ്ടാം മീറ്റിങ്ങില് ഇരു രാഷ്ട്ര നേതാക്കളും പങ്കെടുക്കുമെന്നാണ് റിപ്പോർട്ട്. സാമ്പത്തിക സഹകരണം ശക്തിപ്പെടുത്തുക എന്നതാണ് സൗദിയുടെ ലക്ഷ്യം. ഊര്ജ്ജം, പ്രതിരോധം, വ്യാപാരം, അടിസ്ഥാന സൗകര്യം തുടങ്ങിയ മേഖലകളില് സുപ്രധാന കരാറുകള് ഒപ്പിടുമെന്നാണ് റിപ്പോർട്ട്. മീറ്റിംഗിൽ ഇന്ത്യ മീഡിലീസ്റ്റ് യൂറോപ് വ്യവസായ ഇടനാഴി പുരോഗതിയും ചര്ച്ചയായേക്കുമെന്നും റിപ്പോർട്ടുണ്ട്.
Also Read: 30 വർഷത്തിന് ശേഷം ശനി വക്രഗതിയിലേക്ക്; ഇവർക്കിനി സുവർണ്ണകാലം ഒപ്പം അപ്രതീക്ഷിത നേട്ടങ്ങളും!
സൗദിയില് ഇന്ത്യന് കമ്പനികള്ക്ക് നിക്ഷേപ അവസരം വര്ധിപ്പിക്കാനും ഈ സന്ദര്ശനത്തിലൂടെ പ്രധാനമന്ത്രി ലക്ഷ്യം വെക്കുന്നു. 2023 ല് സൗദി കിരീടാവകാശി മുഹമ്മദ് ബിന് സല്മാന് രാജകുമാരന് ഇന്ത്യ സന്ദര്ശിച്ചിരുന്നു. അതിന്റെ തുടര്ച്ചയായാണ് മോദിയുടെ ഇത്തവണത്തെ സൗദി സന്ദര്ശനം എന്നാണ് റിപ്പോർട്ട്. ഹജ്ജ് ഇരു രാജ്യങ്ങൾക്കും ഇടയിലെ ഉഭയകക്ഷി വിഷയമാണെന്നും അതിനാൽ ഇക്കാര്യത്തിലെ ചർച്ച പ്രധാനമന്ത്രിയുടെ സന്ദർശനവേളയിൽ ഉണ്ടാകുമെന്നും വിദേശകാര്യ സെക്രട്ടറി വിക്രം മിസ്രി വ്യക്തമാക്കിയിട്ടുണ്ട്. സ്വകാര്യ ടൂർ ഓപ്പറേറ്റർമാർ വഴി 10,000 പേരെ അനുവദിക്കാമെന്നും സൗദി നിലവിൽ അറിയിച്ചതായും വിദേശകാര്യ സെക്രട്ടറി വിക്രം മിസ്രി പറഞ്ഞു.
പ്രധാനമന്ത്രി മോദിയുടെ സന്ദര്ശനവേളയിൽ പ്രവാസികള്ക്ക് ഗുണകരമാകുന്ന പ്രഖ്യാപനങ്ങള് ഉണ്ടാകുമോ എന്ന് ഉറ്റുനോക്കുകയാണ് പ്രവാസ ലോകം. നേരത്തെ തന്നെ ശക്തമായ ഇന്ത്യ-സൗദി ബന്ധം കൂടുതല് മെച്ചപ്പെടുത്താന് അവസരമൊരുക്കുന്നതാണ് മോദിയുടെ സന്ദര്ശനമെന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
