മുംബൈ: പഞ്ചാബ് നാഷണല്‍ ബാങ്ക് തട്ടിപ്പ് കേസില്‍ അറസ്റ്റിലായ വിപുല്‍ അംബാനിക്ക് ഉപാധികളോടെ ജാമ്യം.
മുബൈയിലെ സിബിഐ പ്രത്യേക കോടതിയാണ് വിപുലിന് ജാമ്യം അനുവദിച്ചത്. ഒരു ലക്ഷം രൂപയുടെ ബോണ്ടും രാജ്യം വിട്ടുപോകരുതെന്ന നിബന്ധനയിലുമാണ് ജാമ്യം അനുവദിച്ചിരിക്കുന്നത്.
ഈ വര്‍ഷം ഫെബ്രുവരിയിലാണ് സിബിഐ വിപുലിനെ അറസ്റ്റു ചെയ്തത്. പിഎന്‍ബി ബാങ്ക് തട്ടിപ്പ് കേസിലെ മുഖ്യപ്രതിയായ നീരവ് മോദിയുടെ കമ്പനിയിലെ ഉന്നത ഉദ്യോഗസ്ഥനായിരുന്നു വിപുല്‍ അംബാനി.
വ്യാജരേഖ ചമച്ച്‌ 13,000 കോടി രൂപയാണ് വജ്രവ്യാപാരിയായ നീരവ് മോദിയും അമ്മാവനായ മെഹുല്‍ ചോക്സിയും ചേര്‍ന്ന് പഞ്ചാബ് നാഷണല്‍ ബാങ്കില്‍നിന്ന് തട്ടിയെടുത്തത്. തട്ടിപ്പിന് ശേഷം രാജ്യം വിട്ട ഇവര്‍ വിവിധ രാജ്യങ്ങള്‍ തങ്ങളുടെ ഒളി സാങ്കേതമാക്കിയിരുന്നു.
നീരവ് മോദി ഏതു രാജ്യത്താണ് എന്നതിനെപ്പറ്റി വ്യക്തമായ വിവരം പുറത്തു വരുന്നില്ല എങ്കിലും അമ്മാവനായ മേഹുല്‍ ചോക്സി ആന്‍റിഗ്വ പൗരത്വം നേടിയെന്നാണ് റിപ്പോര്‍ട്ട്.
