 "Puri Jagannath Rath Yatra 2025: പുരി ജഗന്നാഥ രഥയാത്രയ്ക്കിടെ ആന വിരണ്ടോടി- VIDEO")
അഹമ്മദാബാദ്: പുരി ജഗന്നാഥ രഥയാത്രയ്ക്കിടെ ആന വിരണ്ടോടി. ഇതേ തുടർന്ന് തിക്കും തിരക്കും ഉണ്ടായി. ആർക്കും പരിക്കില്ലെന്നാണ് വിവരം. ഡിജെയുടെ ശബ്ദം കേട്ടാണ് ആന വിരണ്ടതെന്നാണ് വിവരം. ആകെ മൂന്ന് ആനകളാണ് വിരണ്ടോടിയത്. ഇത് ജനങ്ങൾക്കിടയിൽ തിക്കും തിരക്കും ഉണ്ടാകാനിടയായി.
വനംവകുപ്പ് ജീവനക്കാർ ആനയെ നിയന്ത്രിച്ചതായും മുൻകരുതലിന്റെ ഭാഗമായി രഥായാത്ര സഞ്ചരിക്കുന്ന വഴികളിൽ നിന്ന് ഡിജെ പരിപാടികൾ നിയന്ത്രിച്ചതായും അധികൃതർ വ്യക്തമാക്കി. രഥയാത്രയുടെ സുരക്ഷയ്ക്കായി 23,000 പോലീസുകാരെയാണ് വിന്യസിച്ചിരിക്കുന്നത്. ആകാശ നിരീക്ഷണത്തിനായി 41 ഡ്രോണുകളും ജനക്കൂട്ടത്തെ നിരീക്ഷിക്കാനും നിയന്ത്രിക്കാനുമായി എഐ ക്യാമറകളും സ്ഥാപിച്ചിട്ടുണ്ട്.
#RathYatra2025
— Bebak (@bebakprem) June 27, 2025
अहमदाबाद में रथ यात्रा के दौरान हाथी भड़का pic.twitter.com/IsAA1v2OVC
ഒഡിഷയിലെ പുരിയിലെ ജഗന്നാഥ ക്ഷേത്രത്തിലെ രഥോത്സവത്തിന് ഇന്ന് രാവിലെ 9.30 ഓടെയാണ് തുടക്കമായത്. പഹണ്ടി ചടങ്ങുകളോടെ രഥ യാത്ര ആരംഭിച്ചു. ശ്രീകൃഷ്ണനെ ജഗന്നാഥനായി സങ്കൽപ്പിച്ചാണ് ജഗന്നാഥ രഥയാത്രയും രഥോത്സവവും ആഘോഷിക്കുന്നത്. ശകവർഷത്തിലെ ആഷാഢ മാസത്തിലെ ശുക്ല പക്ഷ ദ്വിതീയ തിഥിയിലാണ് രഥയാത്ര നടത്തുന്നത്.
ശ്രീകൃഷ്ണൻ, ബാലഭദ്രൻ, സുഭദ്ര എന്നിവരെ രഥങ്ങളിലേറ്റിയാണ് രഥയാത്ര നടത്തുന്നത്. ഇന്ത്യയിലെ പ്രധാനപ്പെട്ട ക്ഷേത്രങ്ങളിലൊന്നാണ് പുരി ജഗന്നാഥ ക്ഷേത്രം. നിരവധി സഞ്ചാരികളാണ് ദിവസവും ഈ ക്ഷേത്രം സന്ദർശിക്കാനായി എത്തുന്നത്. രഥോത്സവത്തിന്റെ സമയത്ത് ജനത്തിരക്ക് വളരെയധികമാകും. ഇവിടെ പ്രതിദിനം, 20 ലക്ഷം വരെ ഭക്തർക്ക് അന്നദാനവും നൽകി വരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)