 "Puri Jagannath Rath Yatra Stampede: പുരി ജഗന്നാഥ രഥയാത്രയ്ക്കിടെ തിക്കിലും തിരക്കിലും പെട്ട് മൂന്ന് മരണം; നിരവധി പേർക്ക് പരിക്ക്")
ഭുവനേശ്വർ: ഒഡിഷയിലെ പുരി ജഗന്നാഥ ക്ഷേത്രത്തിലെ രഥയാത്രയ്ക്കിടെ തിക്കും തിരക്കും. മൂന്ന് പേർ മരിച്ചു. മരിച്ചവരിൽ രണ്ട് പേർ സ്ത്രീകളാണ്. പത്തോളം പേർക്ക് പരിക്കേറ്റു. ഗുണ്ടിച്ച ക്ഷേത്രത്തിന് സമീപത്താണ് ഞായറാഴ്ച രാവിലെയുണ്ടായ തിക്കിലും തിരക്കിലും പെട്ട് മൂന്ന് പേർ മരിച്ചത്.
ഒഡിഷയിലെ ഖുർദ ജില്ലയിലെ പ്രഭതി ദാസ്, ബസന്തി സാഹു, പ്രംകാന്ത് മൊഹന്തി എന്നിവരാണ് മരിച്ചതെന്നാണ് റിപ്പോർട്ടുകൾ വ്യക്തമാക്കുന്നത്. ഇവർ രഥയാത്രയിൽ പങ്കെടുക്കാനായാണ് പുരിയിലേക്ക് എത്തിയത്. മൂവരും സംഭവസ്ഥലത്ത് വച്ച് തന്നെ മരിച്ചുവെന്നാണ് റിപ്പോർട്ട്. പരിക്കേറ്റവരിൽ ചിലരുടെ ആരോഗ്യനില ഗുരുതരമായി തുടരുകയാണ്.
രഥയാത്ര ആരംഭിച്ച ജഗന്നാഥ ക്ഷേത്രത്തിൽ നിന്ന് മൂന്നുകിലോമീറ്റർ അകലെയാണ് ഗുണ്ടിച്ച ക്ഷേത്രം. രഥങ്ങൾ ഈ ക്ഷേത്രത്തിലേക്ക് ഞായറാഴ്ച രാവിലെ നാലരയോടെയാണ് എത്തിയത്. ദർശനത്തിനായി പ്രദേശത്ത് വലിയ ആൾക്കൂട്ടം തടിച്ചുകൂടിയിരുന്നു. രഥങ്ങൾ എത്തിയതോടെ ജനക്കൂട്ടം നിയന്ത്രണാതീതമായി.
ആൾക്കൂട്ടത്തിൽ തിരക്കായതോടെ ചിലർ വീണു. ഇതിന് പിന്നാലെ തിക്കും തിരക്കും വർധിച്ചു. ജനക്കൂട്ടത്തെ നിയന്ത്രിക്കാനുള്ള പോലീസ് സംവിധാനങ്ങൾ അപര്യാപ്തമായിരുന്നുവെന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. ജൂൺ 27ന് ആരംഭിച്ച രഥയാത്ര ജൂലൈ ഒന്നിന് അവസാനിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)