Operation Sindoor: നിരപരാധികൾ ആരും കൊല്ലപ്പെട്ടിട്ടില്ല; സേനകൾ ചരിത്രം രചിച്ചു, സൈന്യത്തിന്റെ ആത്മവീര്യത്തെ പുകഴ്ത്തി രാജ്നാഥ് സിം​ഗ്

India Operation Sindoor Rajnath Singh: ഇന്ത്യ ഉപയോ​ഗിച്ചത് തിരിച്ചടിക്കാനുള്ള അവകാശമെന്ന് പ്രതിരോധമന്ത്രി രാജ്നാഥ് സിം​ഗ്.

ന്യൂഡൽഹി: പാകിസ്ഥാനിലെ ഭീകര കേന്ദ്രങ്ങളെ ലക്ഷ്യമാക്കി ഇന്ത്യ നടത്തിയ ഓപ്പറേഷൻ സിന്ദൂർ ലക്ഷ്യം നേടിയെന്ന് പ്രതിരോധമന്ത്രി രാജ്നാഥ് സിം​ഗ്. നമ്മുടെ പ്രിയപ്പെട്ടവരെ കൊന്നവരെയാണ് വധിച്ചത്. ഇന്ത്യ നടത്തിയ ആക്രമണത്തിൽ ഒരു സാധാരണക്കാരൻ പോലും കൊല്ലപ്പെട്ടിട്ടില്ല. വ്യോമാക്രമണത്തിൽ ഒരു സാധാരണക്കാരൻ പോലും കൊല്ലപ്പെട്ടിട്ടില്ലെന്ന് രാജ്നാഥ് സിം​ഗ് വ്യക്തമാക്കി.

Add Zee News as a Preferred Source

ഇന്ത്യൻ സൈന്യം കഴിഞ്ഞ ദിവസം അവരുടെ വീര്യവും ധൈര്യവും പ്രകടിപ്പിച്ചുവെന്നും സേനയെ പൂർണമായും വിശ്വാസത്തിലെടുത്തുവെന്നും രാജ്നാഥ് സിം​ഗ് പറഞ്ഞു. പ്രധാനമന്ത്രി നരേന്ദ്ര മോദിയുടെ പിന്തുണയ്ക്ക് നന്ദി.

#WATCH | #OperationSindoor | Delhi: Defence Minister Rajnath Singh says, "Last night, our Indian armed forces displayed their valour and bravery, and scripted a new history. Indian armed forces took action with precision, alertness and sensitiveness. The targets we decided where… pic.twitter.com/NpV49cDEen

— ANI (@ANI) May 7, 2025

സൈന്യം പുതിയ ചരിത്രം രചിച്ചു. അവർ കൃത്യതയോടെയും ജാ​ഗ്രതയോടെയും നടപടിയെടുത്തു. കൃത്യമായി കൃത്യസമയത്ത് തന്നെ ലക്ഷ്യം നേടി. സൈനികരെയും ഉദ്യോ​ഗസ്ഥരെയും അഭിനന്ദിക്കുന്നുവെന്ന് പ്രതിരോധമന്ത്രി വ്യക്തമാക്കി.

മുമ്പത്തെപ്പോലെ തന്നെ ഉചിതമായ മറുപടി തന്നെ ഇത്തവണയും നൽകി. സ്വന്തം മണ്ണിലുണ്ടായ ആക്രമണത്തിന് മറുപടി നൽകാനുള്ള അവകാശം ഇന്ത്യ ഉപയോ​ഗിച്ചു. കൃത്യമായ ചർച്ചകളുടെ പശ്ചാത്തലത്തിലാണ് മറുപടി നൽകിയത്. ഭീകരരുടെ ക്യാമ്പുകളിലും അടിസ്ഥാന സൗകര്യങ്ങളിലുമായി ആക്രമണം പരിമിതപ്പെടുത്തിയത് അവരുടെ മനോവീര്യം തകർക്കുക എന്ന ലക്ഷ്യത്തോടെയാണെന്നും അദ്ദേഹം പറഞ്ഞു.