 "Indian Railways Update : ട്രയിന് യാത്രക്കാര്ക്ക് ആശ്വാസം; കൗണ്ടറില് നിന്ന് എടുത്ത ടിക്കറ്റുകളും ഇനി ഓണ്ലൈനായി റദ്ദാക്കാം!")
ന്യൂഡല്ഹി: യാത്രക്കാര്ക്ക് ആശ്വാസം നല്കാന് റെയില്വേയുടെ പുതിയ തീരുമാനം. ഇനി മുതല് റെയില്വേ ടിക്കറ്റ് കൗണ്ടര് വഴിയെടുക്കുന്ന ടിക്കറ്റുകള് യാത്രക്കാര്ക്ക് ഓണ്ലൈന്വഴി റദ്ദാക്കാം. ഐആര്സിടിസി വെബ്സൈറ്റ് വഴിയോ 139 എന്ന ഹെല്പ്പ് ലൈന് നമ്പര് വഴിയോ ടിക്കറ്റുകള് റദ്ദാക്കാവുന്നതാണ്. ഇതിലൂടെ പാസഞ്ചര് റിസര്വേഷന് സിസ്റ്റം (പിആര്എസ്) കൗണ്ടറുകളിലെ ക്യൂകള് കുറയ്ക്കുക എന്നതാണ് ഇന്ത്യന് റെയില്വേയുടെ ലക്ഷ്യം.
റെയില്വെയുടെ ഏറ്റവും പുതിയ അപ്ഡേറ്റുകള് അനുസരിച്ച്, റെയില് യാത്രക്കാര്ക്ക് ഓണ്ലൈനായും ഓഫ്ലൈനായും രണ്ട് ഫോര്മാറ്റുകളില് അവരുടെ ട്രെയിന് ടിക്കറ്റുകള് ബുക്ക് ചെയ്യാം. ഓണ്ലൈന് ട്രെയിന് ടിക്കറ്റ് ബുക്കിംഗിനായി, യാത്രക്കാര്ക്ക് ഐആര്സിടിസി വെബ്സൈറ്റിലോ മൊബൈല് ആപ്പിലോ ഒരു യൂസര് ഐഡി ഉണ്ടായിരിക്കണം.
ഓഫ്ലൈന് മോഡിനായി, യാത്രക്കാര് റെയില്വേ സ്റ്റേഷന് സന്ദര്ശിച്ച് പ്രത്യേക കൗണ്ടറുകളില് നിന്ന് ടിക്കറ്റ് വാങ്ങേണ്ടതുണ്ട്. ശനി,ഞായര് ദിവസങ്ങള് ഒഴികെ എല്ലാ ദിവസവും രാവിലെ 8 മുതല് രാത്രി 8 വരെ പിആര്എസ് കൗണ്ടറുകള് തുറന്നിരിക്കും.
ഐആര്സിടിസി ടിക്കറ്റ് കൗണ്ടര് ടിക്കറ്റുകളേക്കാള് ചെലവേറിയതാണ്, കാരണം ഓണ്ലൈന് ടിക്കറ്റിംഗ് സൗകര്യങ്ങള് നല്കുന്നതിന് ഗണ്യമായ ചെലവ് ഇത് വഹിക്കുന്നു. കൂടാതെ, ടിക്കറ്റിംഗ് അടിസ്ഥാന സൗകര്യങ്ങള്, നവീകരണം, വിപുലീകരണം എന്നിവയ്ക്ക് ഐആര്സിടിസി ഒരു കണ്വീനിയന്സ് ഫീസ് ഈടാക്കുന്നു.
2015 ലെ റെയില്വേ പാസഞ്ചേഴ്സ് (ടിക്കറ്റ് റദ്ദാക്കല്, റീഫണ്ട്) നിയമങ്ങളും അനുസരിച്ച്, നിശ്ചിത സമയപരിധിക്കുള്ളില്, യാത്രക്കാര്ക്ക് ഇപ്പോള് ഐആര്സിടിസി വെബ്സൈറ്റ് വഴിയോ ,139 എന്ന നമ്പറില് വിളിച്ചോ അവരുടെ പിആര്എസ് കൗണ്ടര് ടിക്കറ്റുകള് ഓണ്ലൈനായി റദ്ദാക്കാം. കാലാകാലങ്ങളില് പുറപ്പെടുവിക്കുന്ന നിര്ദ്ദേശങ്ങള് അനുസരിച്ച്, യഥാര്ത്ഥ പിആര്എസ് കൗണ്ടര് ടിക്കറ്റ് ,റിസര്വേഷന് കൗണ്ടറുകളില് സമര്പ്പിച്ചുകൊണ്ട് റീഫണ്ട് ശേഖരിക്കാവുന്നതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
