മുംബൈ: നരേന്ദ്രമോദി സര്ക്കാറിന്റെ നേട്ടങ്ങള് ജനങ്ങളിലെത്തിക്കുക എന്ന ഉദ്ദേശ്യവുമായി ബി.ജെ.പി നടത്തുന്ന ഗൃഹസന്ദര്ശന പരിപാടിയായ 'സമ്പര്ക്ക് ഫോര് സമര്ഥന്റെ' ഭാഗമായി പാര്ട്ടി ദേശീയ അദ്ധ്യക്ഷന് അമിത് ഷാ ബോളിവുഡ് നടി മാധൂരി ദീക്ഷിതുമായി കൂടിക്കാഴ്ച നടത്തി.
മഹാരാഷ്ട്ര മുഖ്യമന്ത്രി ദേവേന്ദ്ര ഫട്നവിസിനൊപ്പം സബര്ബന് മുംബൈയിലെ മാധൂരി ദീക്ഷിതിന്റെ ഭവനത്തിലെത്തിയാണ് അമിത് ഷാ കൂടികാഴ്ച നടത്തിയത്. ഏകദേശം 40 മിനിട്ട് നീണ്ടു നിന്ന കൂടിക്കാഴ്ചയില് നരേന്ദ്ര മോദി സര്ക്കാറിന്റെ നേട്ടങ്ങള് വിശദീകരിക്കുന്ന ബുക്ക്ലെറ്റ് അമിത് ഷാ മാധൂരി ദീക്ഷിത്തിന് കൈമാറി.
Mumbai: BJP President Amit Shah meets Bollywood actor Madhuri Dixit and her husband Dr. Sriram Madhav Nene as part of 'Sampark for Samarthan' campaign. Maharashtra CM Devendra Fadnavis also present. pic.twitter.com/pZaX1TM7vz
— ANI (@ANI) June 6, 2018
മാധൂരി ദീക്ഷിതുമായുള്ള കൂടികാഴ്ചയില് മോദി സര്ക്കാര് നാല് വര്ഷം കൊണ്ട് നടപ്പിലാക്കിയ വികസന പ്രവര്ത്തനങ്ങള് ചര്ച്ചയായെന്ന് അമിത് ഷാ ട്വിറ്ററില് കുറിച്ചു.
ഗൃഹസന്ദര്ശന പരിപാടിയുടെ ഭാഗമായി അമിത് ഷാ വ്യവസായി രത്തന് ടാറ്റയേയും സന്ദര്ശിച്ചു. മഹാരാഷ്ട്ര മുഖ്യമന്ത്രി ദേവേന്ദ്ര ഫട്നവിസിനൊപ്പം ടാറ്റയുടെ ഭവനം സന്ദര്ശിച്ച അമിത് ഷാ ബുക്ക്ലെറ്റ് കൈമാറുകയും മോദി സര്ക്കാരിന്റെ പ്രവര്ത്തന നേട്ടങ്ങള് വിശദീകരിക്കുകയും ചെയ്തു.
Mumbai: BJP President Amit Shah meets Ratan Tata as part of 'Sampark for Samarthan' campaign. Maharashtra Chief Minister Devendra Fadnavis also present. pic.twitter.com/jC50HCjAxo
— ANI (@ANI) June 6, 2018
അമിത് ഷാ ഗായിക ലതാ മങ്കേഷ്കറേയും സന്ദര്ശിക്കുമെന്നാണ് സൂചന.
രാജ്യത്താകമാനം 4,000 ബി.ജെ.പി പ്രവര്ത്തകര് ലക്ഷകണക്കിന് വീടുകളിലെത്തി നരേന്ദ്രമോദി സര്ക്കാറിന്റെ നേട്ടങ്ങള് വിശദീകരിക്കുന്ന രീതിയിലാണ് ബി.ജെ.പിയുടെ ഗൃഹസന്ദര്ശന പരിപാടി ആസൂത്രണം ചെയ്തിരിക്കുന്നത്.