Encounter In Jammu & Kashmir: ജമ്മു കശ്മീരിൽ ഏറ്റുമുട്ടൽ; 3 ഭീകരവാദികൾ നുഴഞ്ഞുകയറി

Encounter Updates: ഭീകരവാദികള്‍ നുഴഞ്ഞു കയറിയിട്ടുണ്ടെന്ന വിവരത്തിന്റെ അടിസ്ഥാനത്തിലാണ് സംയുക്ത സുരക്ഷാസേന തിരച്ചില്‍ നടത്തിയത്

ജമ്മു: ജമ്മു കശ്മീരിലെ ഹന്ദ്വാരയിൽ സുരക്ഷാസേനയും ഭീകരരും തമ്മിൽ ഏറ്റുമുട്ടിയതായി റിപ്പോർട്ട്. ഇവിടെ പരിശോധനയ്ക്ക് എത്തിയ സുരക്ഷ സേനയ്ക്ക് നേരെ ഭീകരർ വെടിവെക്കുകയായിരുന്നു എന്നാണ് റിപ്പോർട്ട്. 

#WATCH | Jammu & Kashmir | Security Forces conduct cordon and search operation in Krumbhoora area of Zachaldara in Handwara District

Details awaited.

(Visuals deferred by unspecified time) pic.twitter.com/9GRT1BVZQj

— ANI (@ANI) March 17, 2025

മേഖലയിലേക്ക് കൂടുതൽ സേനയെ വിന്യസിച്ചിട്ടുണ്ട്. ഭീകരർക്കായി തിരച്ചിൽ തുടരുകയാണ്.  ആക്രമണത്തിന് പിന്നിൽ നിയന്ത്രണരേഖ മറികടന്ന് ഇന്ത്യയിലേക്ക് നുഴഞ്ഞുകയറാന്‍ ശ്രമിച്ച ഭീകരവാദികളാണ്. മൂന്ന് ഭീകരവാദികള്‍ ഒളിച്ചിരിക്കുന്നതായും റിപ്പോർട്ടുണ്ട്. ഭീകരവാദികളും സുരക്ഷാ സേനയും തമ്മില്‍ രൂക്ഷമായ വെടിവെപ്പ് നടക്കുന്നുവെന്നാണ് റിപ്പോര്‍ട്ട്. ജമ്മു കശ്മീര്‍ പോലീസും സിആര്‍പിഎഫും സംയുക്തമായി ചേർന്നാണ് ഭീകരവാദികളെ നേരിടുന്നത്.

ഭീകരവാദികള്‍ നുഴഞ്ഞു കയറിയിട്ടുണ്ടെന്നുള്ള വിവരത്തിന്റെ അടിസ്ഥാനത്തിലായിരുന്നു സംയുക്ത സുരക്ഷാസേന തിരച്ചില്‍ ആരംഭിച്ചത്. ഇവര്‍ ഒളിച്ചിരിക്കുന്ന പ്രദേശം തിരിച്ചറിഞ്ഞ് പിടികൂടാന്‍ ശ്രമിക്കുന്നതിനിടെയായിരുന്നു ഏറ്റുമുട്ടല്‍. ഇവരെ സുരക്ഷാസേന വളഞ്ഞിരിക്കുകയാണ് എന്നാണ് റിപ്പോർട്ട്.