 "Tahawwur Rana Reaches India : മുംബൈ ഭീകരാക്രമണം; പ്രതിയായ തഹാവൂര് റാണയെ പ്രത്യേക വിമാനത്തില് ഇന്ത്യയിലെത്തിച്ചു")
ഡല്ഹി: 2008 ലെ മുംബൈ ഭീകരാക്രമണത്തിലെ പ്രതിയായ തഹാവൂര് റാണയെ ഇന്ത്യയിലെത്തിച്ചു. മുംബൈ ഭീകരാക്രമണ കേസിലെ സൂത്രധാരനും പാക്കിസ്ഥാന് വംശജനായ കനേഡിയന് വ്യവസായിയുമാണ് തഹാവൂര് റാണ. റാണയെ കൊണ്ടുവരാനായി അയച്ച വ്യോമസേനയുടെ പ്രത്യേക വിമാനത്തിലാണ് എത്തിയത്. ഡല്ഹിയില് എത്തിയ റാണയെ തിഹാര് ജയിലില് പാര്പ്പിക്കാന് സൗകര്യം ഒരുക്കാന് കേന്ദ്രം നിര്ദേശം നല്കിയിട്ടുണ്ട്.
ഭീകരാക്രമണ കേസുമായി ബന്ധപ്പെട്ട തുടര്നടപടികള് ഡല്ഹിയിലേക്ക് മാറ്റുമെന്നാണ് വിവരം. ഇതിന്റെ ഭാഗമായി റാണയെ ഡല്ഹി പട്യാല ഹൗസ് കോടതിയില് ഓണ്ലൈനായി ഹാജരാക്കും.
അതെസമയം കേസില് വിചാരണ നടത്താന് കേന്ദ്രം ഒരു പ്രത്യേക പബ്ലിക് പ്രോസിക്യൂട്ടറെ നിയമിച്ചു. അഭിഭാഷകന് നരേന്ദര് മാനെയാണ് നിയമിച്ചത്. മൂന്ന് വര്ഷത്തേക്കാണ് നിയമനം. കേന്ദ്ര ആഭ്യന്തര മന്ത്രാലയം പുറത്തിറക്കിയ കുറിപ്പിലൂടെയാണ് ഇക്കാര്യം അറിയിച്ചത്.
2019ലാണ് പാക്കിസ്ഥാന് വംശജനും കനേഡിയന് പൗരനുമായ തഹാവൂര് റാണയെ കൈമാറണെന്ന് ആവശ്യപ്പെട്ട് ഇന്ത്യ അമേരിക്കയ്ക്ക് അപേക്ഷ നല്കിയത്. മുംബൈ ഭീകരാക്രമണ കേസിലെ സൂത്രധാരനായ റാണക്കെതിരായ തെളിവുകളും കൈമാറി. ഇന്ത്യയ്ക്ക് കൈമാറുന്നതിനെതിരെ തഹാവുര് റാണ അമേരിക്കയിലെ വിവിധ കോടതികളില് അപേക്ഷ നല്കിയിരുന്നു. ഇവ തള്ളിയതോടെ കഴിഞ്ഞ നവംബറില് റാണ അമേരിക്കന് സുപ്രീംകോടതിയെ സമീപിച്ചു.
ഇന്ത്യയില് എത്തിയാല് മതത്തിന്റെ പേരില് തന്നെ പീഡിപ്പിക്കുമെന്ന് റാണ യുഎസ് സുപ്രീംകോടതിയില് വാദിച്ചിരുന്നു. എന്നാല് അപേക്ഷ തള്ളിയ അമേരിക്കന് സുപ്രീംകോടതി 2025 ജനുവരി 25ന് റാണയെ ഇന്ത്യയ്ക്ക് കൈമാറാന് അനുമതി നല്കി.
ഭീകര സംഘടനയായ ലഷ്കര്-ഇ-തൊയ്ബ (എല്ഇടി)യുമായും, പാകിസ്ഥാന്റെ ഇന്റര്-സര്വീസസ് ഇന്റലിജന്സ്, ഐഎസ്ഐയുമായും റാണയ്ക്ക് ബന്ധമുണ്ട്.
ആക്രമണങ്ങള്ക്ക് സഹായം നല്കിയെന്ന കുറ്റത്തില് നിന്ന് യുഎസ് ജൂറി റാണയെ നേരത്തെ കുറ്റവിമുക്തനാക്കിയിരുന്നു, എന്നാല് മറ്റ് രണ്ട് കേസുകളില് റാണ കുറ്റക്കാരനാണെന്ന് കണ്ടെത്തി 10 വര്ഷത്തിലധികം തടവിന് ശിക്ഷിക്കുകയും ചെയ്തിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
