Maoist Leader Madvi hidma Killed: മാവോയിസ്റ്റ് കമാൻഡർ മാദ്‍വി ഹിദ്മ കൊല്ലപ്പെട്ടു

ആന്ധ്രാപ്രദേശിൽ നടന്ന ശക്തമായ സുരക്ഷാ നീക്കത്തിലൂടെ ആറ് കുപ്രസിദ്ധ മാവോയിസ്റ്റ് നേതാക്കൾ കൊല്ലപ്പെട്ടു.

അമരാവതി: ആന്ധ്രയിലെ അല്ലൂരി സീതാരാമരാജു ജില്ലയിലുണ്ടായ ഏറ്റുമുട്ടലിൽ തലയ്ക്ക് 50 ലക്ഷം രൂപ വിലയിട്ട മാവോയിസ്റ്റ് കമാൻഡർ കൊല്ലപ്പെട്ടു. മാദ്‌വി ഹിദ്മയെയാണ്  ഏറ്റുമുട്ടലിൽ സുരക്ഷാ സേന വെടിവച്ചു കൊന്നത്. 

Add Zee News as a Preferred Source

സ്ഥലത്ത് ഇപ്പോഴും ഏറ്റുമുട്ടൽ തുടരുകയാണെന്നാണ് റിപ്പോർട്ട്. മാദ്‌വിയുടെ ഭാര്യ രാജെ എന്ന രാജാക്കയും ഏറ്റുമുട്ടലിൽ കൊല്ലപ്പെട്ടതായും റിപ്പോർട്ടുണ്ട്. ആറ് മൃതദേഹങ്ങൾ സ്ഥലത്ത് നിന്ന് കണ്ടെടുത്തിട്ടുണ്ട്.  കൊല്ലപ്പെട്ട മാദ്‌വി രാജ്യത്തെ നടുക്കിയ 26 ആക്രമണങ്ങളുടെ സൂത്രധാരനായിരുന്നു. ദന്തെവാഡയിൽ 2010 ൽ 76 സിആർപിഎഫ് ഉദ്യോഗസ്ഥരുടെ മരണത്തിനിടയാക്കിയ ആക്രമണവും 2013 ൽ കോൺഗ്രസ് ഉന്നത നേതാക്കൾ ഉൾപ്പടെ 27 പേരുടെ മരണത്തിനിടയാക്കിയ ജിറാം ഘാട്ടിയിൽ നടന്ന ആക്രമണത്തിലും മാദ്‌വിയിക്ക് പ്രധാന പങ്കുണ്ടെന്നാണ് റിപ്പോർട്ട്.  

ഇയാളുടെ തലയ്ക്ക് സർക്കാർ ഒരു കോടി രൂപയാണ് വിലയിട്ടിരുന്നത്.  ഏറ്റുമുട്ടലിൽ സുരക്ഷാ സേനാ അംഗങ്ങൾക്കും പരിക്കേറ്റിട്ടുണ്ട്.