Top trending searches in google 2024: ഇന്ത്യക്കാർ 2024ൽ ​ഗൂ​ഗിളിൽ തിരഞ്ഞത് എന്തെല്ലാം? യാത്രാപ്രേമികൾ, ഫൂഡികൾ, ഫാഷൻ... സെലിബ്രിറ്റി സെർച്ച് വരെയുള്ള ലിസ്റ്റ് ഇങ്ങനെ

What did people search the most in 2024: യുഎസ് പ്രസിഡന്റ് തിരഞ്ഞെടുപ്പും ഹിറ്റ് ചിത്രങ്ങളും മുതൽ വൈറൽ ട്രെൻഡുകൾ വരെ ഈ വർഷത്തെ സെർച്ചിൽ ആ​ഗോളശ്രദ്ധയിൽ വന്നു.

2024ൽ ഇന്ത്യക്കാർ ​ഗൂ​ഗിളിൽ  ഏറ്റവും കൂടുതൽ തിരഞ്ഞത് എന്താണ്? ​ഗൂ​ഗിളിന്റെ ഇയർ ഇൻ സെർച്ച് റിപ്പോർട്ട് പ്രകാരം, പ്രധാന കായിക മത്സരങ്ങൾ മുതൽ പുതിയ ടെക്നോളജികളെക്കുറിച്ചും വൈറൽ ട്രെൻഡുകളെക്കുറിച്ചും വരെ അറിയാൻ വിവിധ വിഷയങ്ങളിൽ ലോകം വ്യാപൃതരായിരുന്നു. യുഎസ് പ്രസിഡന്റ് തിരഞ്ഞെടുപ്പും ഹിറ്റ് ചിത്രങ്ങളും മുതൽ വൈറൽ ട്രെൻഡുകൾ വരെ ഈ വർഷത്തെ സെർച്ചിൽ ആ​ഗോളശ്രദ്ധയിൽ വന്നു.

Add Zee News as a Preferred Source

ഇന്ത്യയിലെ ഉപയോക്താക്കൾ എയർ ക്വാളിറ്റി ഇൻഡക്സിനെപ്പറ്റിയാണ് തിരഞ്ഞത്. ചൂടും പ്രധാന ആശങ്കയായി മാറി. ഉത്തരേന്ത്യയിലെ വായു ​ഗുണനിലവാര പ്രശ്നങ്ങളും ഉപയോക്താക്കൾക്കിടയിലെ ആശങ്കയായിരുന്നു. മെയ് മാസത്തിന് ശേഷം കൂടുതൽ ആളുകൾ തിരഞ്ഞത് അമിത ചൂടിനെക്കുറിച്ചായിരുന്നു. രാഷ്ട്രീയ അന്വേഷണങ്ങളിൽ ലോക്സഭാ വോട്ടെടുപ്പിനെക്കുറിച്ചായിരുന്നു. പലസ്തീനെക്കുറിച്ചുള്ള സെർച്ചുകളായിരുന്നു അന്താരാഷ്ട്രതലത്തിൽ കൂടുതൽ.

ഇന്ത്യയിൽ ഏറ്റവും കൂടുതൽ പേർ ​ഗൂ​ഗിളിൽ തിരഞ്ഞ വ്യക്തി? ഏറ്റവും കൂടുതൽ തിരഞ്ഞ സിനിമ, ടിവി ഷോകൾ, പാട്ടുകൾ, കായികം എന്നിവ ഉൾപ്പെടെ വിവിധ വിഭാ​ഗങ്ങളായി പ്രത്യേക ഡാറ്റയും ​ഗൂ​ഗിൾ പുറത്തിറക്കി. മുകേഷ് അംബാനിയുടെ ഇളയ മകൻ അനന്ത് അംബാനിയുടെ വധു രാധിക മർച്ചന്റ് ആണ് കൂടുതൽ പേർ തിരഞ്ഞ വ്യക്തി. ജൂലൈയിലായിരുന്നു അനന്ത് അംബാനിയുടെയും രാധിക മർച്ചന്റിന്റെയും വിവാഹം.

ഇന്ത്യൻ ഫാഷൻ പ്രേമികൾ ഏറ്റവും കൂടുതൽ തിരഞ്ഞത് അത്ലെസിയൂർ, വിന്റേജ് വസ്ത്രങ്ങളെക്കുറിച്ചായിരുന്നു. സ്കിന്നി ജീൻസ് ഇപ്പോഴും സ്റ്റൈലാണോയെന്നും നിരവധി പേർ ആരാഞ്ഞു. ഏറ്റവും ജനപ്രിയമായ വിഷയങ്ങൾ എയർ ക്വാളിറ്റി ഇൻഡക്സ്, ഓണം, രാം മന്ദിർ, സ്പോർട്സ് ബാറുകൾ, ബേക്കറി നിയർ മി എന്നിവയായിരുന്നു. 2024ൽ ഇന്ത്യയിൽ ഏറ്റവും കൂടുതൽ സെർച്ച് വന്ന ഡെസ്റ്റിനേഷനുകൾ അസർബൈജാ‍ൻ, കസാഖ്സ്ഥാൻ, ബാലി, മണാലി, ജയ്പൂർ എന്നിവയായിരുന്നു.

2024ൽ ഇന്ത്യയിൽ ഏറ്റവും കൂടുതൽ തിരഞ്ഞ ഭക്ഷണങ്ങൾ മാർട്ടിനി കോക്ടെയിൽ, മാങ്ങ അച്ചാർ, ധനിയ പത്തിരി, യു​ഗാദി പച്ചടി, ചർനാമൃത് എന്നിവയായിരുന്നു. 2024ൽ ഏറ്റവും അധികം തിരഞ്ഞ വിഷയങ്ങളിലൊന്നാണ് ലിയാം പെയ്നിന്റെ മരണം. മുൻ വൺ ഡയറക്ഷൻ അം​ഗം ലിയാം പെയ്ൻ ആ​ഗോളതലത്തിൽ ഏറ്റവും കൂടുതൽ തിരഞ്ഞ അഞ്ചാമത്തെ വ്യക്തിയാണ്. ഡൊണാൾഡ് ട്രംപ്, കേറ്റ് മിഡിൽടൺ, കമലാ ഹാരിസ്, ഇമാനെ ഖെലിഫ് എന്നിവരാണ് മറ്റ് നാലുപേർ.

ഇന്ത്യയിൽ ഏറ്റവും കൂടുതൽ ആളുകൾ തിരഞ്ഞ സിനിമ സ്ട്രീ 2 ആ​ഗോളതലത്തിൽ ഇൻസൈഡ് എഡ്ജ് എന്നിവയായിരുന്നു. ട്വൽത് ഫെയിൽ, ലപാത ലേഡീസ്, ഹനു-മാൻ എന്നിവയാണ് മറ്റ് ജനപ്രിയ സിനിമകൾ. ഹീരാമാണ്ഡി സെർച്ച് ട്രെൻഡിങ്ങുകളിൽ ഒന്നാമതെത്തി. മിർസാപൂർ സീസൺ 3യും സെർച്ചിൽ ട്രെൻഡിങ്ങായി.

ടെക് സെർച്ചുകളിൽ ഐഫോൺ‍ 16 ആയിരുന്നു ജനപ്രിയ സെർച്ചുകളിൽ ഒന്ന്. കോപ്പ അമേരിക്ക ഏറ്റവും കൂടുതൽ തിരഞ്ഞ കായിക വിഷയമാണ്. യുവേഫ ചാമ്പ്യൻഷിപ്പും സെർച്ചിൽ ട്രെൻഡിങ്ങായി. മെൻസ് ടി 20 ക്രിക്കറ്റ് വേൾഡ് കപ്പ് യുവേഫ യൂറോപ് ചാമ്പ്യൻഷിപ്പും ഇന്ത്യൻ കായിക പ്രേമികൾക്കിടയിൽ ട്രെൻഡിങ്ങായിരുന്നു.