Karur Tragedy: വിജയ്ക്ക് നേരെ ചെറുപ്പെറിയുന്ന ദൃശ്യം; കരൂർ ദുരന്തത്തിൽ നിർണായ ദൃശ്യം പുറത്ത്- VIDEO

TVK Vijay Karur Rally Stampede: പരിപാടിയിൽ ആസൂത്രിതമായി ചെരുപ്പേറുണ്ടായി എന്നാണ് തമിഴക വെട്രി കഴകത്തിന്റെ പരാതി.

ചെന്നൈ: നടനും ടിവികെ അധ്യക്ഷനുമായ വിജയ് നടത്തിയ റാലിയിൽ കരൂരിൽ തിക്കിലും തിരക്കിലും പെട്ട് 41 പേർ മരിച്ച സംഭവത്തിൽ നിർണായക ദൃശ്യങ്ങൾ പുറത്ത്. കരൂരിൽ ദുരന്തമുണ്ടാകുന്നതിന് മുൻപ് വിജയ്ക്ക് നേരെ യുവാവ് ചെരുപ്പെറിയുന്ന ദൃശ്യങ്ങളാണ് പുറത്തുവന്നത്.

Add Zee News as a Preferred Source

വിജയുടെ പിന്നിൽ നിന്നാണ് ഇയാൾ ചെരുപ്പെറിയുന്നത്. ചെരുപ്പെറിഞ്ഞത് ഡിഎംകെ പ്രവർത്തകരാണെന്നാണ് ടിവികെയുടെ പരാതി. ഡിഎംകെ നേതാവ് സെന്തിൽ ബാലാജിയെ വിമർശിച്ചപ്പോഴാണ് ചെരുപ്പേറുണ്ടായത്.

പ്രസം​ഗിച്ചുകൊണ്ടിരിക്കുന്ന വിജയുടെ തലയ്ക്ക് സമീപത്ത് കൂടിയാണ് ചെരുപ്പ് പോകുന്നത്. ഒപ്പം ഉണ്ടായിരുന്ന സുരക്ഷാ ഉദ്യോ​ഗസ്ഥൻ ചെരുപ്പ് തട്ടിമാറ്റാൻ ശ്രമിക്കുന്നത് ദൃശ്യങ്ങളിൽ കാണാം. ചെരുപ്പ് എറിഞ്ഞയാളെ തിരിച്ചറിഞ്ഞിട്ടില്ല.

ഒരു യുവാവാണ് ചെരുപ്പ് എറിയുന്നതെന്ന് ദൃശ്യങ്ങളിൽ കാണാം. കോടതി കരൂർ വിഷയം നാളെ പരി​ഗണിക്കാനിരിക്കെയാണ് ദൃശ്യങ്ങൾ പുറത്ത് വന്നിരിക്കുന്നത്. കരൂർ അപകടം ആസൂത്രിതമാണെന്നും ​ഗൂഢാലോചനയുണ്ടെന്നും ടിവികെ ആരോപിച്ചിരുന്നു.