ബംഗളൂരൂ: ബംഗളൂരുവില് എയ്റോ ഇന്ത്യ പ്രദര്ശനത്തിനെത്തിയ രണ്ട് വിമാനങ്ങള് കൂട്ടിയിടിച്ച് പൈലറ്റ് മരിച്ചു. വ്യോമസേനയുടെ അഭിമാനമായ എയ്റോബാറ്റിക്സ് ടീമിലെ രണ്ട് സൂര്യകിരണ് വിമാനങ്ങളാണ് അഭ്യാസ പ്രകടനത്തിനിടെ കൂട്ടിയിടിച്ച് തകര്ന്നത്.
— Karnataka Fire Dept (@KarFireDept) February 19, 2019
ബംഗളൂരുവിലെ യെലഹങ്ക എയര്ബേസിലാണ് അപകടമുണ്ടായത്. എയ്റോ ഇന്ത്യ 2019 പ്രദര്ശനത്തിന് മുന്നോടിയായുള്ള പരിശീലനത്തിലായിരുന്നു വിമാനങ്ങള്. അപകടത്തിൽ ഒരു പ്രദേശവാസിക്ക് പരിക്കേറ്റു. വിമാനത്തിന്റെ അവശിഷ്ടങ്ങൾ യെലഹങ്ക ന്യൂടൗൺ പ്രദേശത്തെ ഐ.എസ്.ആർ.ഒ ലേ ഔട്ടിലാണ് വീണത്.
#WATCH Two aircraft of Surya Kiran Aerobatics Team crashed today at Yelahanka airbase in Bengaluru, during rehearsal for #AeroIndia2019. One civilian hurt. Both pilots ejected, the debris has fallen near ISRO layout, Yelahanka new town area. #Karnataka pic.twitter.com/gJHWx6OtSm
— ANI (@ANI) February 19, 2019
വിമാനങ്ങളില് മൂന്ന് പൈലറ്റുമാര് ഉണ്ടായിരുന്നു. ഇതില് രണ്ടുപേര് രക്ഷപ്പെട്ടെന്നാണ് ലഭിക്കുന്ന വിവരം. സൈന്യത്തിന്റെ അഭ്യാസ പ്രകടനങ്ങളില് ഏറ്റവും ആകര്ഷകമായുളളതാണ് സൂര്യ കിരണ് വിമാനങ്ങളുടേത്.
ഈ മാസം 20 മുതല് 24 വരെയാണ് എയ്റോ ഇന്ത്യ പ്രദര്ശനം. 1996-ലാണ് സൂര്യകിരണ് എയ്റോബാറ്റിക് ടീം ആരംഭിക്കുന്നത്. കര്ണാടകത്തിലെ ബീദര് ആസ്ഥാനമായാണ് സൂര്യകിരണ് പ്രവര്ത്തിക്കുന്നത്.