Adolescent Mental Health: കൗമാരക്കാരുടെ മാനസികാരോഗ്യം; ഫാക്റ്റ് ഷീറ്റും 'ഐ സപ്പോർട്ട് മൈ ഫ്രണ്ട്സ്' പിയർ-സപ്പോർട്ട് മൊഡ്യൂളും പുറത്തിറക്കി

കൗമാരക്കാരുടെ മാനസികാരോഗ്യത്തെ കുറിച്ച് ഫാക്റ്റ് ഷീറ്റും 'ഐ സപ്പോർട്ട് മൈ ഫ്രണ്ട്സ്' പിയർ-സപ്പോർട്ട് മൊഡ്യൂളും പുറത്തിറക്കി ആരോഗ്യ-കുടുംബക്ഷേമ മന്ത്രാലയം. യുവാക്കളുടെ വർദ്ധിച്ചുവരുന്ന മാനസികാരോഗ്യ പ്രശ്നങ്ങൾ പരിഹരിക്കുന്നതിനായാണ് പുതിയ പദ്ധതി. ആരോഗ്യ-കുടുംബക്ഷേമ മന്ത്രാലയം (MoHFW) , യുണിസെഫ് (UNICEF), നിംഹാൻസ് (NIMHANS) എന്നിവയുമായി സഹകരിച്ചാണ് പുതിയ പദ്ധതി. ഭോപ്പാലിൽ നടന്ന രാഷ്ട്രീയ കിഷോർ സ്വാസ്ഥ്യ കാര്യക്രമത്തിന് (RKSK) കീഴിലുള്ള ദേശീയ യോഗത്തിനിടെയാണ് ഫാക്റ്റ് ഷീറ്റും 'ഐ സപ്പോർട്ട് മൈ ഫ്രണ്ട്സ്' പിയർ-സപ്പോർട്ട് മൊഡ്യൂളും പുറത്തിറക്കിയത്. 

ഇന്നത്തെ കൗമാരക്കാർ അധ്യാപകരിൽ നിന്നോ, കുടുംബങ്ങളിൽ നിന്നോ, അവരുടെ സാമൂഹിക ചുറ്റുപാടുകളിൽ നിന്നോ വലിയ സമ്മർദ്ദങ്ങൾ നേരിടുന്നെന്ന് ഉദ്ഘാടന ചടങ്ങിൽ സംസാരിച്ച മധ്യപ്രദേശ് ആരോഗ്യ സഹമന്ത്രി എൻ. ശിവാജി പട്ടേൽ പറഞ്ഞു. അതിനാൽ യുവാക്കളെ ശ്രദ്ധിക്കുകയും പിന്തുണയ്ക്കുകയും ചെയ്യേണ്ടതിന്റെ പ്രാധാന്യവും അദേഹം എടുത്തുപറഞ്ഞു. അവർക്ക് സംസാരിക്കാനും, അവർ പറയുന്നത് കേൾക്കാനും, പിന്തുണ അനുഭവിക്കാനും കഴിയുന്ന സംവിധാനങ്ങൾ നാം സൃഷ്ടിക്കണം. അവരുടെ മാനസിക ക്ഷേമത്തിൽ നിക്ഷേപിക്കുന്നത് ഒരു നയപരമായ മുൻഗണന മാത്രമല്ല, അത് ഒരു ധാർമ്മിക ഉത്തരവാദിത്തവുമാണെന്നും അദ്ദേഹം വ്യക്തമാക്കി. 

കൗമാരക്കാർക്ക് അവരുടെ വൈകാരിക ബുദ്ധിമുട്ടുകൾ തിരിച്ചറിയുന്നതിനും, സഹാനുഭൂതിയുള്ള സഹപാഠികളുടെ പിന്തുണ നൽകുന്നതിനും, അവരുടെ മാനസിക ക്ഷേമവും വ്യക്തിപരമായ അതിരുകളും എങ്ങനെ സംരക്ഷിക്കാമെന്ന് പഠിക്കുന്നതിനും അവരെ ശാക്തീകരിക്കുക എന്നതാണ് ഈ മൊഡ്യൂളിന്റെ ലക്ഷ്യം. നോക്കുക, കേൾക്കുക, ലിങ്ക് ചെയ്യുക എന്ന ഗടനയിലാണ് ആ ഏകദിന പരിശീലനം തയാറാക്കിയിരിക്കുന്നത്. വൈകാരിക സാക്ഷരത, പിന്തുണയ്ക്കുന്ന ആശയവിനിമയം, ഉത്തരവാദിത്തമുള്ള സമപ്രായക്കാരുടെ ഇടപെടൽ എന്നിവ വളർത്തുന്നതിന് സംവേദനാത്മക പ്രവർത്തനങ്ങൾ, സാഹചര്യത്തെ അടിസ്ഥാനമാക്കിയുള്ള പഠനം എന്നിവയാണ് ഇതിലൂടെ പരിശീലിപ്പിക്കുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.