റബ്ബർ ബുള്ളറ്റ് പോലും തോക്കിലിടാൻ അറിയാത്ത പോലീസോ- വീഡിയോ വൈറൽ
സമരങ്ങളിലും സംഘർഷങ്ങളിലും ഉപയോഗിക്കുന്ന തോക്കിൽ തിര നിറയ്ക്കാൻ പറഞ്ഞ ശേഷം ഡിഐജി കാത്ത് നിന്നു
നോയിഡ: ഉത്തർപ്രദേശ് പോലീസിനെ ആകെ നാണം കെടുത്തിയ ഒരു വീഡിയോ ആണ് ഇപ്പോൾ സാമൂഹിക മാധ്യമങ്ങളിൽ വൈറൽ. ഡിഐജിയുടെ അപ്രതീക്ഷിത വിസിറ്റിൽ ഭയന്ന് പോയ പോലീസുകാരൻ റബ്ബർ ബുള്ളറ്റിടുന്ന തോക്കുമായി കുഴങ്ങിയ ദൃശ്യങ്ങൾ വളരെ വേഗത്തിൽ പ്രചരിച്ചു.
ഒരു സബ് ഇൻസ്പെക്ടറെ വീഡിയോയിൽ കാണാം. സമരങ്ങളിലും സംഘർഷങ്ങളിലും ഉപയോഗിക്കുന്ന തോക്കിൽ തിര നിറയ്ക്കാൻ പറഞ്ഞ ശേഷം ഡിഐജി കാത്ത് നിൽക്കുന്നത് കാണാം. എന്നാൽ ഇതെങ്ങനെയെന്ന് അറിയാത്ത് പോലീസുകാരൻ ബുള്ളറ്റ് കുഴലിലൂടെ അകത്തേക്ക് ഇട്ടതാണ് അബദ്ധമായത്.
സന്ത് കബീർ നഗർ ജില്ലയിലെ ഖലീലാബാദ് പോലീസ് സ്‌റ്റേഷനിലാണ് സംഭവം. ഡിഐജി ആർകെ ഭരദ്വാജാണ് സ്റ്റേഷനിൽ അപ്രതീക്ഷിത സന്ദർശനത്തിന് എത്തിയത്. സബ് ഇൻസ്‌പെക്ടർക്ക് റൈഫിൾ എങ്ങനെ കയറ്റണമെന്ന് അറിയില്ലായിരുന്നു, കാട്രിഡ്ജ് ബാരലിലൂടെ മുകളിലേക്ക് ഇടാൻ ശ്രമിക്കുന്നത് കാണാം.
ഡിഐജി മറ്റ് ഉദ്യോഗസ്ഥരോട് ഇതേക്കുറിച്ച് ചോദിക്കുന്നതും റൈഫിൾ എങ്ങനെ ലോഡുചെയ്യണമെന്ന് അറിയാത്തതിന് സബ് ഇൻസ്പെക്ടറെ നോക്കി ചിരിക്കുന്നതും കാണാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...