 "Waqf Amendment Bill: വഖഫ് നിയമ ഭേദഗതി ബിൽ ഇന്ന് ലോക്സഭയിൽ; ശക്തമായി എതിർക്കുമെന്ന് പ്രതിപക്ഷം")
ന്യൂഡൽഹി: വഖഫ് നിയമ ഭേദഗതി ബില് ലോക്സഭയില് ഇന്ന് അവതരിപ്പിക്കും. ഇന്ന് ഉച്ചയ്ക്ക് 12 മണിക്കാണ് ബിൽ അവതരിപ്പിക്കുക. ബിൽ അവതരിപ്പിക്കുന്നതിന് പിന്നാലെ എട്ട് മണിക്കൂർ ചർച്ച നടക്കും. ഇതിനിടയിൽ കാര്യോപദേശക സമിതി യോഗം പ്രതിപക്ഷം ബഹിഷ്കരിച്ചിരുന്നു. എല്ലാ എംപിമാർക്കും വിപ്പ് നൽകുമെന്ന് ഭരണപക്ഷം അറിയിച്ചു. മധുരയിൽ പാർട്ടി കോൺഗ്രസ് നടക്കുന്നതിനാൽ വഖഫ് ബിൽ ചർച്ചയിൽ സിപിഎം എംപിമാർ പങ്കെടുക്കില്ല. ഇന്ന് പരിഗണിക്കുന്ന ബില്ലിന്റെ ചർച്ചയിൽ പങ്കെടുക്കുമെന്ന് പ്രതിപക്ഷ പാർട്ടികൾ പറഞ്ഞിട്ടുണ്ടെങ്കിലും ഇതിനെ പല്ലും നഖവും ഉപയോഗിച്ച് എതിർക്കുമെന്ന് പറഞ്ഞതായും റിപ്പോർട്ടുണ്ട്.
Also Read: വാര്ഷിക കണക്കെടുപ്പ് ; എസ്ബിഐ സേവനങ്ങള് താല്ക്കാലികമായി തടസ്സപ്പെട്ടു
ജെപിസിയിലൂടെ കടന്ന് ഭരണപക്ഷ എംപിമാരുടെ നിര്ദ്ദേശങ്ങള് മാത്രം ഉള്പ്പെടുത്തിയ വഖഫ് നിയമഭേദഗതി ബില്ലാണ് പാര്ലമെന്റിലേക്ക് ഇന്ന് എത്തുന്നത്. ചര്ച്ചക്ക് ശേഷം ബിൽ പാസാക്കുമെന്നാണ് റിപ്പോർട്ട്. പ്രതിപക്ഷം എതിർത്താലും ബിൽ പാസാക്കാനുള്ള അംഗ സംഖ്യയുള്ളതിനാല് സര്ക്കാരിന് ഒരു ആശങ്കയും ഇല്ലെന്നാണ് റിപ്പോർട്ട്. ഇതിനിടയിൽ ബിൽ ന്യൂനപക്ഷ വിരുദ്ധമാണെന്ന പ്രചാരണം കേന്ദ്രം തള്ളുകയും.
കെസിബിസിയും സിബിസിഐയുമൊക്കെ ബില്ലിനെ പിന്തുണച്ച് രംഗത്തെത്തിയത് കേന്ദ്രത്തിന് ആശ്വാസം നൽകുന്നതാണെന്നാണ്. അതേസമയം എന്ഡിഎയിലെ പ്രധാന ഘടകക്ഷികളായ ജെഡിയുവും, ടിഡിപിയും രഹസ്യമായി നിലപാടറിയിച്ചിട്ടില്ല. ബില്ല് പാര്ലമെന്റിലെത്തുമ്പോള് നിലപാട് വ്യക്തമാക്കുമെന്നാണ് ജെഡിയു പറയുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
