വഖഫ് ഭേദഗതിയെ അനുകൂലിച്ചുകൊണ്ട് ആറ് ബിജെപി ഭരണ സംസ്ഥാനങ്ങള് സുപ്രീംകോടതിയെ സമീപിച്ചിരുന്നു. ഇവര്ക്കുവേണ്ടി സീനിയര് അഭിഭാഷകര് ഇന്ന് കോടതിയില് ഹാജരാകും.
ന്യൂഡല്ഹി: വഖഫ് ഭേദഗതി നിയമത്തിന്റെ ഭരണഘടനാ സാധുത ചോദ്യം ചെയ്യുന്ന ഹര്ജികളില് സുപ്രീം കോടതി ഇന്ന് ഇടക്കാല ഉത്തരവ് പുറപ്പെടുവിച്ചേക്കും. ഉച്ചയ്ക്ക് 2 മണിയോടെ സുപ്രീം കോടതി ഹര്ജി പരിഗണിക്കും. ചീഫ് ജസ്റ്റിസ് സഞ്ജീവ് ഖന്ന, ജസ്റ്റിസുമാരായ സഞ്ജയ് കുമാര്, കെ.വി.വിശ്വനാഥന് എന്നിവരടങ്ങിയ മൂന്നംഗ ബഞ്ചാണ് ഹര്ജി പരിഗണിക്കുന്നത്. അതെസമയം ഹര്ജികളില് നോട്ടീസ് നല്കാനും ഉത്തരവ് പുറപ്പെടുവിക്കാനും വിശ്വനാഥന് ബുധനാഴ്ച തയ്യാറായി. എന്നാല്, ഇടക്കാല ഉത്തരവ് പാസാക്കുന്നതിന് മുമ്പ് കേന്ദ്രവും ചില സംസ്ഥാനങ്ങളും അവരുടെ നിവേദനങ്ങള് സമര്പ്പിക്കാന് സമയം തേടി.
വഖഫ് നിയമത്തിലെ ഭേദഗതിക്കെതിരെ പശ്ചിമ ബംഗാളില് പൊട്ടിപ്പുറപ്പെട്ട അക്രമങ്ങളില് ചീഫ് ജസ്റ്റിസ് സഞ്ജീവ് ഖന്ന ഉത്കണ്ഠ രേഖപ്പെടുത്തി.
വളരെ അസ്വസ്ഥമാക്കുന്ന അക്രമമാണെന്നും ചീഫ് ജസ്റ്റിസ് പറഞ്ഞു. ഹര്ജികള് പരിഗണിക്കവെ ഇന്നലെ കോടതി കേന്ദ്രസര്ക്കാരിനോട് ശക്തമായ ചില ചോദ്യങ്ങള് ചോദിച്ചിരുന്നു. ഗൗരവമേറിയ പല നിരീക്ഷണങ്ങളും കോടതി പങ്കുവെച്ചിരുന്നു.
ഇന്നലെ, സോളിസിറ്റര് ജനറല് തുഷാര് മേത്തയായിരുന്നു കേന്ദ്രസര്ക്കാരിന് വേണ്ടി ഹാജരായത്. ഇന്ന്, തുഷാര് മേത്തയ്ക്ക് പുറമെ അറ്റോണി ജനറല് ആര്. വെങ്കിട്ട രമണയും ഈ കേസില് കേന്ദ്രത്തിന് വേണ്ടി ഹാജരായേക്കും എന്നാണ് വിവരം. വഖഫ് ബോര്ഡിലെയും സെന്ട്രല് വഖഫ് കൗണ്സിലിലെയും എക്സ് ഒഫീഷ്യോ അംഗങ്ങള് ഒഴികെയുള്ള എല്ലാ അംഗങ്ങളും മുസ്ലിങ്ങളായിരിക്കണമെന്നും സുപ്രീം കോടതി പറഞ്ഞു. അത്തരം വഖ്ഫുകള് രജിസ്റ്റര് ചെയ്യുന്നതിനായി പലര്ക്കും ആവശ്യമായ രേഖകള് ഇല്ലാത്തതിനാല് ''ഉപയോക്താവിന് വഖ്ഫ്'' എങ്ങനെ അനുവദിക്കില്ലെന്ന് കോടതി മേത്തയോട് ചോദിച്ചു.
അതേസമയം, വഖഫ് ഭേദഗതിയെ അനുകൂലിച്ചുകൊണ്ട് ആറ് ബിജെപി ഭരണ സംസ്ഥാനങ്ങള് സുപ്രീംകോടതിയെ സമീപിച്ചിരുന്നു. ഇവര്ക്കുവേണ്ടി സീനിയര് അഭിഭാഷകര് ഇന്ന് കോടതിയില് ഹാജരാകും. നിയമം ഒരു കാരണവശാലും സ്റ്റേ ചെയ്യരുത് എന്ന ആവശ്യമാണ് ഇവരും ഇന്ന് കോടതിയില് ഉന്നയിക്കുക.
ഏപ്രില് 5നാണ് രാഷ്ട്രപതി ബില് അംഗീകരിച്ചത്. 128 അംഗങ്ങള് അനുകൂലിച്ചും 95 പേര് എതിര്ത്തുമാണ് ബില് രാജ്യസഭയില് പാസാക്കിയത്. 288 അംഗങ്ങള് പിന്തുണച്ചപ്പോള് 232 പേര് എതിര്ത്ത് ലോക്സഭ പാസാക്കി. എഐഎംഐഎം നേതാവ് അസദുദ്ദീന് ഒവൈസി, അഖിലേന്ത്യാ മുസ്ലിം വ്യക്തിനിയമ ബോര്ഡ്, ജമിയത്ത് ഉലമ-ഇ-ഹിന്ദ്, ദ്രാവിഡ മുന്നേറ്റ കഴകം (ഡിഎംകെ), കോണ്ഗ്രസ് എംപിമാരായ ഇമ്രാന് പ്രതാപ്ഗര്ഹി, മുഹമ്മദ് ജാവേദ് എന്നിവര് ഉള്പ്പെടെ 72 ഹര്ജികളാണ് നിയമത്തിന്റെ സാധുത ചോദ്യം ചെയ്ത് സമര്പ്പിച്ചിരിക്കുന്നത്. ഏപ്രില് എട്ടിന് കേന്ദ്രം സുപ്രീം കോടതിയില് കേവിയറ്റ് ഫയല് ചെയ്യുകയും വിഷയത്തില് എന്തെങ്കിലും ഉത്തരവ് പുറപ്പെടുവിക്കുന്നതിന് മുമ്പ് വാദം കേള്ക്കാന് ആവശ്യപ്പെടുകയും ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)