 "Patanjali Yoga: പതഞ്ജലി യോഗയും ആരോഗ്യവും; സമ്പൂർണ ആരോഗ്യത്തിന് ഏറ്റവും മികച്ചതാകുന്നത് ഇങ്ങനെ...")
)
തിരക്കേറിയ ഇന്നത്തെ ലോകത്ത് ഫിറ്റ്നസിനും ആരോഗ്യ സംരക്ഷണത്തിനും ആളുകൾ വലിയ പ്രാധാന്യം നൽകുന്നുണ്ട്. തിരക്കും സമ്മർദ്ദവും നിറഞ്ഞ ജീവിതശൈലിയിൽ ശരീരത്തിനും മനസിനും ഒരുപോലെ ആശ്വാസമാകുന്നതാണ് യോഗ. അത്തരത്തിൽ ആരോഗ്യകരമായ ജീവിതശൈലി പിന്തുടരുന്നതിൽ വലിയ പങ്ക് വഹിക്കുകയാണ് പതഞ്ജലി യോഗ.
ഋഷികേശിൽ സ്ഥിതി ചെയ്യുന്ന പതഞ്ജലി യോഗ ഫൗണ്ടേഷൻ ആളുകൾക്ക് ആരോഗ്യകരമായ ജീവിതശൈലി പിന്തുടരാൻ സഹായിക്കുന്ന ഒരിടമാണ്. യോഗയുടെയും ആയുർവേദത്തിന്റെയും പുരാതന അറിവ് പതഞ്ജലി യോഗ ആൻഡ് വെൽനസ് പ്രോഗ്രാമുകൾ എന്നറിയപ്പെടുന്ന ഒരു സമ്പൂർണ്ണ ആരോഗ്യ സമ്പ്രദായത്തിലേക്ക് സംയോജിപ്പിച്ചിരിക്കുകയാണ് ഇവിടെ ചെയ്തിരിക്കുന്നത്.
പതഞ്ജലിയുടെ യോഗാ പരിശീലനങ്ങൾ മൊത്തത്തിലുള്ള ആരോഗ്യത്തിന് ഏറ്റവും മികച്ചതായി കണക്കാക്കപ്പെടുന്നതെന്നത് എന്തുകൊണ്ടാണ് എന്ന ചോദ്യത്തിനുള്ള ഉത്തരം എന്താണെന്ന് നമുക്ക് നോക്കാം.
പതഞ്ജലി യോഗയുടെ ഉത്ഭവവും ഘടനയും
2000 വർഷങ്ങൾക്ക് മുമ്പ് യോഗ സൂത്രങ്ങൾ എഴുതിയ പതഞ്ജലി മഹർഷിയുടെ ഉപദേശങ്ങളെ അടിസ്ഥാനമാക്കിയുള്ളതാണ് പതഞ്ജലി യോഗ. ഈ സൂത്രങ്ങളാണ് യോഗയുടെ അടിത്തറ. ഇത് യോഗയുടെ എട്ട് അംഗങ്ങളെ വിവരിക്കുന്നു. യോഗയുടെ ഉപജ്ഞാതാവല്ലെങ്കിലും, പതഞ്ജലിയെ പലപ്പോഴും ആധുനിക യോഗയുടെ പിതാവായി കണക്കാക്കുന്നു,. യോഗയെ ചിട്ടപ്പെടുത്തുകയും ക്രോഡീകരിക്കുകയും ചെയ്തത് പതഞ്ജലി മർഷിയാണ്.
യോഗ സൂത്രങ്ങളിൽ യോഗയുടെ എട്ട് ഘടകങ്ങളെക്കുറിച്ച് (അഷ്ടാംഗ യോഗം) പറയുന്നു:
● യമ: അഹിംസ (അക്രമം ചെയ്യാതിരിക്കുക), സത്യം പറയുക, മോഷ്ടിക്കാതിരിക്കുക, ബ്രഹ്മചര്യം, അത്യാഗ്രഹം ഇല്ലാതിരിക്കുക തുടങ്ങിയ ധാർമ്മിക തത്വങ്ങൾ അഷ്ടാംഗ യോഗത്തിൽ ഒന്നാമതായി പറയുന്നത്.
● നിയമം: ജീവിതത്തിലെ അച്ചടക്കവും സ്വയം നിയന്ത്രണവും.
● ആസനം: ശാരീരിക വ്യായാമങ്ങൾ
● പ്രാണായാമം: ശ്വാസ നിയന്ത്രണം, ഇത് മനസ്സിനും നാഡികൾക്കും ശാന്തത നൽകുന്നു.
● പ്രത്യാഹാരം: ഇന്ദ്രിയങ്ങളെ നിയന്ത്രിക്കുക, മനസ്സിനെ മറ്റ് ചിന്തകളിൽ മുഴുകാതെ ശ്രദ്ധ കേന്ദ്രീകരിക്കാൻ സഹായിക്കുക.
● ധാരണ: ഒരു പ്രത്യേക ബിന്ദുവിലോ വസ്തുവിലോ ശ്രദ്ധ കേന്ദ്രീകരിക്കുക, ഇത് മസ്തിഷ്ക ശക്തി വർദ്ധിപ്പിക്കുന്നു.
● ധ്യാനം: ആഴത്തിലുള്ള ധ്യാനവും ഏകാഗ്രതയും, ഇത് ആന്തരിക സമാധാനത്തിലേക്ക് നയിക്കുന്നു.
● സമാധി: ഒരാൾ അവരുടെ ആന്തരിക സ്വത്വവുമായി ബന്ധപ്പെടുമ്പോൾ ഉണ്ടാകുന്ന ആത്മസാക്ഷാത്കാരത്തിന്റെ അവസ്ഥ.
ആധുനിക ശാസ്ത്രം സ്ഥിരീകരിക്കുന്നു
മാനസികാരോഗ്യത്തിന്റെ കാര്യത്തിൽ ഉൾപ്പെടെ പതഞ്ജലി യോഗ ഏറെ ഗുണം ചെയ്യുന്നുവെന്ന് ഇന്നത്തെ ഗവേഷമം സ്ഥിരീകരിക്കുന്നുണ്ട്. ഉദാഹരണത്തിന്, ധ്യാനവും പ്രാണായാമവും (ശ്വസന വ്യായാമങ്ങൾ) സമ്മർദ്ദ ഹോർമോണുകൾ കുറയ്ക്കുകയും വൈജ്ഞാനിക കഴിവുകൾ വർദ്ധിപ്പിക്കുകയും ചെയ്യുന്നു. ഇത് മസ്തിഷ്ക പ്രവർത്തനം മെച്ചപ്പെടുത്താൻ സഹായിക്കുമെന്നാണ് പഠനങ്ങൾ തെളിയിച്ചിരിക്കുന്നത്. യോഗ സൂത്രങ്ങൾ വ്യക്തിഗത ക്ഷേമത്തിന് മാത്രമല്ല, മറിച്ച് സമൂഹത്തിൽ മൊത്തത്തിൽ നല്ല സ്വാധീനം ചെലുത്തുന്നുവെന്ന് ഗവേഷണങ്ങൾ വ്യക്തമാക്കുന്നു.
സമഗ്രമായ യോഗാ പരിശീലനങ്ങൾ
പതഞ്ജലി യോഗ ഫൗണ്ടേഷനിൽ എല്ലാവർക്കും വിവിധ തരത്തിലുള്ള യോഗ ക്ലാസുകളും ശിൽപശാലകളും നൽകുന്നുണ്ട്. ഹഠയോഗ, അഷ്ടാംഗ യോഗ, കുണ്ഡലിനി യോഗ, പ്രത്യേക ആരോഗ്യ പ്രശ്നങ്ങൾക്കുള്ള ചികിത്സാ യോഗ പരിശീലനം എന്നിവ ഇവിടെ നൽകുന്നു. ഓരോ സെഷനും ഓരോ വ്യക്തിയുടെയും ശാരീരിക ശേഷിക്കും ആത്മീയ ലക്ഷ്യങ്ങൾക്കും അനുയോജ്യമായ രീതിയിലാണ് രൂപകൽപ്പന ചെയ്തിരിക്കുന്നത്. ഇത് യോഗയിൽ പങ്കെടുക്കുന്ന എല്ലാവർക്കും അർത്ഥവത്തായതും ആഴത്തിലുള്ളതുമായ അനുഭവം ഉറപ്പാക്കുന്നു.
പതഞ്ജലി യോഗ ആരോഗ്യത്തിന് ഏറ്റവും മികച്ചതായി കണക്കാക്കപ്പെടുന്ന ഒന്നാണ്. കാലാകാലങ്ങളായി പരീക്ഷിച്ചുവരുന്ന രീതികളെ അടിസ്ഥാനമാക്കിയുള്ളതാണ് പതഞ്ജലി യോഗ എന്നത് തന്നെയാണ് ഇതിന്റെ കാരണവും. ആധുനിക ശാസ്ത്രവും ഇതിന്റെ ഗുണങ്ങളെ അംഗീകരിക്കുന്നുണ്ട്. ലോകമെമ്പാടും പതഞ്ജലി യോഗ ഏറെ വിശ്വസനീയവും ഫലപ്രദവുമായ ഒരു പരിശീലനമായി സ്ഥാനം പിടിച്ചു കഴിഞ്ഞു. അതിനാൽ ലോകമെമ്പാടുമുള്ള ആളുകൾക്ക് അവരുടെ ആരോഗ്യവും ക്ഷേമവും മെച്ചപ്പെടുത്തുന്നതിനുള്ള വിശ്വസനീയമായ മാർഗ്ഗമായി പതഞ്ജലി യോഗ മാറിയിരിക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
