 "Viral News: ബിരിയാണിയിലെ ചിക്കന്റെ എല്ല് തൊണ്ടയിൽ കുടുങ്ങി; യുവതിക്ക് 8 മണിക്കൂർ നീണ്ട ശസ്ത്രക്രിയ")
ബിരിയാണി കഴിക്കുന്നവരുടെ ശ്രദ്ധക്ക്! ചിക്കനിലെ എല്ല് തൊണ്ടയിൽ കുടുങ്ങാതെ സൂക്ഷിച്ചോ! ബിരിയാണി കഴിക്കുന്നതിനിടെ ചിക്കനിലെ എല്ല് തൊണ്ടയിൽ കുടുങ്ങിയ യുവതിക്ക് എട്ട് മണിക്കൂർ നീണ്ട ശസ്ത്രക്രിയയാണ് നടത്തിയത്. മുംബൈ കുർള സ്വദേശിയായ 34 കാരി റൂബി ഷെയ്ഖാണ് ജീവിതത്തിലേക്ക് തിരിച്ചെത്തിയത്. ഫെബ്രുവരി മൂന്നിനായിരുന്നു സംഭവം. അത്താഴം കഴിക്കുന്നതിനിടെ എല്ല് തൊണ്ടയിൽ കുടുങ്ങുകയായിരുന്നു. സമീപത്തെ റസ്റ്റോറന്റിൽ നിന്ന് കുടുംബത്തോടൊപ്പം ഭക്ഷണം കഴിക്കാൻ പോയപ്പോഴാണ് സംഭവം.
3.2 സെന്റീമീറ്റർ നീളമുള്ള എല്ലാണ് തൊണ്ടയിൽ കുടുങ്ങിയത്. പരിശോധനയിൽ എല്ല് കിടക്കുന്നത് സങ്കീർണമായ അവസ്ഥയിലാണെന്നും ശസ്ത്രക്രിയ വേണ്ടിവരുമെന്നും ഡോക്ടർമാർ അറിയിച്ചു. എട്ട് ലക്ഷം രൂപയാണ് ശസ്ത്രക്രിയക്ക് ചെലവായത്. എല്ല് കുടുങ്ങിയതിനെ തുടർന്ന് ശ്വാസംമുട്ടൽ അനുഭവപ്പെട്ടപ്പോൾ റൂബിയെ ക്രിട്ടിക്കേർ ഏഷ്യ ആശുപത്രിയിലേക്ക് കൊണ്ടുപോയി, അവിടെ നടത്തിയ എക്സ്-റേയിൽ അവളുടെ C4-C5 വെർട്ടെബ്രൽ ഡിസ്കുകളിൽ ഒരു വസ്തു കുടുങ്ങിയതായി കണ്ടെത്തി. ഫെബ്രുവരി 8 ന് ശസ്ത്രക്രിയാ വിദഗ്ധർ പുറത്തെടുക്കാൻ ആരംഭിച്ചപ്പോൾ, അസ്ഥി മുകളിലേക്ക് നീങ്ങിയിരുന്നു. ഇത് അപൂർവ സംഭവമാണെന്ന് ഡോക്ടർമാർ പറഞ്ഞു. എല്ല് തൊണ്ടയുടെ മുകൾ ഭാഗമായ നാസോഫറിനക്സിലേക്ക് സഞ്ചരിച്ചതായാണ് കണ്ടെത്തിയത്.
അന്നനാളത്തിലുണ്ടായ സമ്മർദ്ദം മൂലമോ അല്ലെങ്കിൽ അനസ്തേഷ്യ മൂലമോ അസ്ഥി മുകളിലേക്ക് നീങ്ങിയതാകാമെന്ന് ശസ്ത്രക്രിയയ്ക്ക് നേതൃത്വം നൽകിയ ഇഎൻടി സർജൻ ഡോ. സഞ്ജയ് ഹെലാലെ വിശദീകരിച്ചു. തൊണ്ടയുടെ അവസാനത്തിലും അന്നനാളത്തിന്റെ തുടക്കത്തിലും സ്ഥിതി ചെയ്യുന്ന ക്രിക്കോഫാരിൻജിയൽ സ്ഫിങ്ക്റ്റർ ദഹനനാളത്തിൽ ഏറ്റവും ശക്തമായ ഒന്നാണ്. സാധാരണയായി, അതിലൂടെ കടന്നുപോകുന്ന ഭക്ഷണം ഗല്ലറ്റിലൂടെ മാത്രമേ നീങ്ങുകയുള്ളൂ. മുകളിലേക്ക് തിരികെ സഞ്ചരിക്കില്ല- വാഡിയ ആശുപത്രിയിലെ ഇഎൻടി മേധാവി ഡോ. ദിവ്യ പ്രഭാത് പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
