Zubeen Garg Death: സുബീൻ ഗാർഗിന്റെ മരണം: വിഷം ഉള്ളിൽ ചെന്നിട്ടില്ലെന്ന് റിപ്പോർട്ട്

Zubeen Garg Death Latest Updates: മരണത്തിൽ ദുരൂഹത ആരോപിച്ചുകൊണ്ട് നിരവധിപ്പേർ പരാതിയുമായി രംഗത്തെത്തിയിരുന്നു.

അസം: അസമീസ് ഗായകൻ സുബീൻ ഗാർഗിന്റെ മരണം സംഭവിച്ചത് വിഷം ഉള്ളിൽ ചെന്നിട്ടല്ലെന്ന് ഗുവാഹത്തി മെഡിക്കൽ കോളേജിൽ നടത്തിയ രണ്ടാമത്തെ പോസ്റ്റുമോർട്ടം റിപ്പോർട്ടിലും വ്യക്തമാക്കുന്നതായി റിപ്പോർട്ട്.

Add Zee News as a Preferred Source

സുബീൻ ഗാർഗിന്റെ മരണം സിംഗപ്പൂരിൽ വച്ചാണ് നടന്നത്.  അവിടെ നടത്തിയ പോസ്റ്റുമോർട്ടത്തിന്റെ റിപ്പോർട്ടിൽ മുങ്ങിമരണം സ്ഥിരീകരിച്ചിരുന്നു.  എങ്കിലും മരണത്തിൽ ദുരൂഹത ആരോപിച്ചുകൊണ്ട് നിരവധിപ്പേർ പരാതിയുമായി രംഗത്തെത്തിയിരുന്നു. കേസിൽ ഫെസ്റ്റിവൽ സംഘാടകൻ, ഗായകന്റെ മാനേജർ അടക്കം 7 പേരെ അറസ്റ്റ് ചെയ്തിരുന്നു. 

സിങ്കപ്പൂരിൽ വെച്ചുണ്ടായ ഒരു സ്കൂബ ഡൈവിങ് അപകടത്തിൽ സെപ്റ്റംബർ 19 നാണ് സുബീൻ ഗാർഗ് മരിച്ചത്.  ശേഷം  അദ്ദേഹത്തെ സംസ്ഥാന ബഹുമതികളോടുകൂടി സംസ്കരിച്ചു. അദ്ദേഹത്തിന്റെ മരണത്തിൽ ദുരൂഹതകളില്ലെന്ന് ഉറപ്പാക്കാൻ രണ്ടാമത്തെ പോസ്റ്റ്‌മോർട്ടം നടത്തിയതിന് ശേഷമായിരുന്നു സംസ്കാരം നടത്തിയത്.