Minister Veena George Case: വീണാ ജോർജിനെ വധിക്കാൻ ശ്രമിച്ചെന്ന കേസ്; കെഎസ്‍യു പ്രവർത്തകർക്ക് തിരിച്ചടി, ജാമ്യമില്ല

പ്രതികളെ കസ്റ്റഡിയിൽ വേണമെന്ന പ്രോസിക്യൂഷന്റെ ആവശ്യം അം​ഗീകരിച്ചുകൊണ്ടാണ് കോടതി ജാമ്യം നിഷേധിച്ചത്.

കണ്ണൂർ: ആരോഗ്യമന്ത്രി വീണാ ജോർജിനെ വധിക്കാൻ ശ്രമിച്ചെന്ന കേസിൽ അറസ്റ്റിലായ പ്രതികളുടെ ജാമ്യാപേക്ഷ തള്ളി. കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് ജാമ്യം നിഷേധിച്ചത്. ജാമ്യാപേക്ഷയിൽ ഇന്നലെ വിശദവാദം കേട്ടതിന് ശേഷമാണ് നടപടി. കരിങ്കൊടി പ്രതിഷേധം മാത്രമാണുണ്ടായതെന്നും വധശ്രമം നിലനിൽക്കില്ലെന്നുമായി പ്രതിഭാ​ഗം കോടതിയിൽ‌ വാദിച്ചത്. എന്നാൽ കൂടുതൽ ദൃശ്യങ്ങൾ പരിശോധിക്കേണ്ടതുണ്ടെന്നും സംഭവത്തിൽ‌ കൂടുതൽ പേർ ഉൾപ്പെട്ടിട്ടുണ്ടെന്നും കസ്റ്റഡിയാവശ്യപ്പെട്ട് കൊണ്ട് പ്രോസിക്യൂഷൻ വാദിച്ചു. കേസ് വീണ്ടും അഞ്ചാം തിയതി പരി​ഗണിക്കും. 

Add Zee News as a Preferred Source

പ്രതിഭാ​ഗത്തിന്റെ വാദം ഇങ്ങനെ...

വധശ്രമം നിലനിൽക്കില്ലെന്നാണ് പ്രതിഭാ​ഗം ഇന്നലെ വാദിച്ചത്. ആരോഗ്യം മോശമായതിനാൽ മൊഴിയെടുക്കാനാകാതിരുന്ന മന്ത്രി ഇപ്പോൾ ചാനലുകളിൽ സംസാരിക്കുന്നതായും പ്രതിഭാഗം ചൂണ്ടിക്കാട്ടി. ആയുധം കണ്ടെത്താനോ അതെന്താണെന്ന് തെളിയിക്കാനോ ഇതുവരെ പോലീസിനും സാധിച്ചിട്ടില്ലെന്നും പ്രതിഭാ​ഗം കൂട്ടിച്ചേർത്തു. 

പ്രോസിക്യൂഷൻ വാദം

എന്നാൽ, കൂടുതൽ സിസിടിവി ദൃശ്യങ്ങൾ പരിശോധിക്കണമെന്ന് പറഞ്ഞ പ്രോസിക്യൂഷൻ പ്രതികൾ ചെറിയ ആയുധമാകാം പ്രയോഗിച്ചതെന്നും അത്തരത്തിലുളള സമ്മർദ്ദം കഴുത്തിൽ ഉണ്ടായിട്ടുണ്ടെന്നും ചൂണ്ടിക്കാട്ടി. പ്രതികളെ കസ്റ്റഡിയിൽ വേണമെന്നാണ് പ്രോസിക്യൂഷൻ കോടതിയിൽ ആവശ്യപ്പെട്ടത്. പ്രോസിക്യൂഷന്റെ വാദം അംഗീകരിച്ചാണ് കെഎസ്‍യു പ്രവർത്തകരുടെ ജാമ്യാപേക്ഷ കോടതി തള്ളിയത്.