15 പേർക്കാണ് അപകടത്തിൽ പരിക്കേറ്റത്. കെഎസ്ആർടിസി ബസിലും കർണടാക ബസിലുമുണ്ടായിരുന്നവർക്ക് പരിക്കേറ്റിട്ടുണ്ട്.
തൃശൂർ: തൃശൂർ മുണ്ടൂരില് ബസുകൾ കൂട്ടിയിടിച്ച് അപകടം. കർണാടക ബസിന് പിന്നിൽ കെഎസ്ആർടിസി ബസ് ഇടിച്ചാണ് അപകടമുണ്ടായത്. പുലർച്ചെ 5 മണിയോടെയാണ് അപകടം സംഭവിച്ചത്. അപകടത്തിൽ 15 പേർക്ക് പരിക്കേറ്റു. രണ്ട് ബസിലുമുണ്ടായിരുന്നവർക്ക് പരിക്കേറ്റിട്ടുണ്ട്. കെഎസ്ആർടിസി ബസ് ഡ്രൈവറുടെ പരിക്ക് ഗുരുതരമാണെന്നാണ് വിവരം. പരിക്കേറ്റവരെ തൃശൂര് അമല ആശുപത്രിയിലാണ് പ്രവേശിപ്പിച്ചിരിക്കുന്നത്.
Actor Shine Tom Chacko: വിദഗ്ധ ചികിത്സയ്ക്കായി നടൻ ഷൈൻ ടോം ചാക്കോയെ തൃശൂരിലെത്തിച്ചു
തൃശൂർ: വാഹനാപകടത്തെ തുടർന്ന് പരിക്കേറ്റ നടന് ഷൈന് ടോം ചാക്കോയെ വിദഗ്ധ ചികിത്സയ്ക്കായി തൃശൂരിലെ സ്വകാര്യ ആശുപത്രിയിൽ എത്തിച്ചു. വാഹനാപകടത്തില് പരിക്കേറ്റ ഷൈന് ടോം ചാക്കോ ധര്മ്മപുരി ആശുപത്രിയിലാണ് ചികിത്സ തേയിരുന്നത്.
ഷൈനിന്റെ മാതാവിനെയും സഹോദരനെയും ഉടന് ഇവിടേക്ക് കൊണ്ടു വരുമെന്നാണ് റിപ്പോർട്ട്. പിതാവ് ചാക്കോയുടെ മൃതദേഹവും തൃശൂരിലെത്തിച്ചെന്നും റിപ്പോർട്ടുണ്ട്. അതിനുശേഷം സ്വകാര്യ ആശുപത്രിയിലെ മോർച്ചറിയിൽ സൂക്ഷിക്കും. വിദേശത്തുളള മക്കള് എത്തിയശേഷമായിരിക്കും സംസ്കാരം സംബന്ധിച്ച തീരുമാനമെടുക്കുന്നത്.
ഇന്നലെ വെളുപ്പിനെ ധർമ്മപുരി കൊമ്പനഹള്ളിയിൽ വെച്ചായിരുന്നു ഷൈനും കുടുംബവും സഞ്ചരിച്ച കാർ അപകടത്തിൽപ്പെട്ടത്. തെറ്റായ ദിശയിൽ വന്ന ലോറിയിലേക്ക് ഇവർ സഞ്ചരിച്ച കാർ ഇടിച്ചു കയറുകയായിരുന്നു എന്നാണ് റിപ്പോർട്ട്. തലേ ദിവസം രാത്രി പതിനൊന്ന് മണിയോടെയാണ് ഷൈനും കുടുംബവും കൊച്ചിയിൽ നിന്ന് ബെംഗളൂരുവിലേക്ക് യാത്ര തിരിച്ചത്. ബെംഗളൂരുവിൽ ഷെെനിന്റെ ചികിത്സയുമായി ബന്ധപ്പെട്ടായിരുന്നു യാത്ര. അപകടത്തിൽ ഷൈനിന്റെ കൈയ്ക്ക് പരിക്കേറ്റിട്ടുണ്ട്. ശസ്ത്രക്രിയ നടത്തേണ്ടിവരുമെന്നും റിപ്പോർട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)