 "Malayali Girl Found Dead: 'ഭർത്താവ് സ്ഥിരം മദ്യപാനി, സ്ത്രീധനത്തിന്റെ പേരിലും പീഡനം'; ഷാർജയിൽ യുവതി മരിച്ച നിലയിൽ, കൊലക്കുറ്റത്തിന് കേസ്")
)
ഷാർജ: ഷാർജയിൽ മലയാളി യുവതിയെ മരിച്ച നിലയിൽ കണ്ടെത്തി. കൊല്ലം സ്വദേശി അതുല്യയെ (30)ആണ് മരിച്ച നിലയിൽ കണ്ടെത്തിയത്. ഷാർജയിലെ ഫ്ലാറ്റിൽ തൂങ്ങി മരിച്ച നിലയിലാണ് കണ്ടെത്തിയത്. ഇന്നലെ, ജൂലൈ 19നാണ് സംഭവം. ഷാർജയിൽ കഴിഞ്ഞ കുറച്ച് നാളായി ജോലി ചെയ്ത് വരികയായിരുന്ന അതുല്യ പുതിയ ജോലിയിൽ പ്രവേശിക്കാനിരിക്കെയാണ് മരണം. അതുല്യ പിറന്നാൾ ദിനത്തിലാണ് മരിച്ച നിലയിൽ കണ്ടെത്തിയത്.
ശാസ്താംകോട്ട സ്വദേശി സതീഷ് ആണ് അതുല്യയുടെ ഭർത്താവ് സംഭവത്തിൽ പൊലീസ് കേസെടുത്തു. സതീഷിനെതിരെ അതുല്യയുടെ കുടുംബം കൊല്ലം ചവറ തെക്കുംഭാഗം പൊലീസിൽ പരാതി നൽകിയിരുന്നു. കൊലപാതക കുറ്റമാണ് സതീഷിനെതിരെ ചുമത്തിയിരിക്കുന്നത്. കൊലപാതക കുറ്റത്തിനൊപ്പം ശാരീരിക പീഡനം, സ്ത്രീധന പീഡനം എന്നീ വകുപ്പുകളും പൊലീസ് ചുമത്തിയിട്ടുണ്ട്. സ്ത്രീധനത്തിൻ്റെ പേരിൽ സതീഷ് അതുല്യയെ പീഡിപ്പിച്ചിരുന്നുവെന്നാണ് എഫ്ഐആറിലുള്ളത്.
ഭർത്താവിന്റെ പീഡനത്തെ തുടർന്നാണ് അതുല്യ മരിച്ചതെന്ന് യുവതിയുടെ കുടുംബം ആരോപിച്ചിരുന്നു. ചവറ തെക്കുംഭാഗം പൊലീസിൽ സതീഷിനെതിരെ യുവതിയുടെ കുടുംബം പരാതി നൽകുകയും ചെയ്തു. മരിക്കുന്നതിന് മുൻപ് ഭർത്താവ് ഉപദ്രവിച്ചതിന്റെ ചിത്രങ്ങളും വീഡിയോകളും കുടുംബത്തിന് അയച്ചു നൽകിയതായി ബന്ധുക്കൾ പറയുന്നു. സ്ഥിരം മദ്യപാനിയായിരുന്നു സതീഷ്. മദ്യം അമിതമായാൽ അക്രമാസക്തനാകുകയും മകളെ ഉപദ്രവിക്കുമായിരുന്നുവെന്നും അതുല്യയുടെ അച്ഛൻ രാജശേഖരൻ പിള്ള പറഞ്ഞു. മകൾ ഒരിക്കലും ജീവനൊടുക്കില്ലെന്നും അതുലയ തന്റെ കുഞ്ഞിന് വേണ്ടി എല്ലാം സഹിക്കുകയായിരുന്നുവെന്നും അദ്ദേഹം പറഞ്ഞു. മരണത്തിൽ ദുരൂഹതയുണ്ടെന്നും അച്ഛൻ പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
