മെസി ഒക്ടോബറിൽ കേരളത്തിൽ എത്തില്ലെന്ന് സ്ഥിരീകരിച്ച് കായിക മന്ത്രി.
)
തിരുവനന്തപുരം: ഇതിഹാസ താരം ലയണല് മെസി കേരളത്തിലെത്തില്ലെന്ന് സ്ഥിരീകരിച്ച് കായിക മന്ത്രി വി അബ്ദുറഹിമാന്. ഒക്ടോബറിൽ മെസിയെ കേരളത്തിൽ എത്തിക്കാനുള്ള ശ്രമങ്ങൾ നടന്നിരുന്നു. എന്നാൽ അതിന് സാധിക്കില്ലെന്ന് ബന്ധപ്പെട്ടവർ അറിയിച്ചു. സ്പോൺസർമാരും ഇക്കാര്യം വ്യക്തമാക്കിയതോടെ താരം മലയാളക്കരയിൽ എത്തില്ലെന്നത് ഉറപ്പായി.
അർജന്റീന ടീമിനെ കേരളത്തിലെത്തിക്കുന്നതിന്റെ ആദ്യഗഡു നല്കിയിരുന്നു. ഒക്ടോബറില് മെസി ഉള്പ്പെടെയുള്ള അര്ജന്റൈന് ഫുട്ബോള് ടീം കേരളത്തില് പന്തുതട്ടാനെത്തും എന്ന് മന്ത്രി നേരത്തെ പ്രഖ്യാപിച്ചിരുന്നു.
അതേസമയം, ഡിസംബറിൽ മെസി ഇന്ത്യയില് എത്തുമെന്ന റിപ്പോര്ട്ടുകൾ പുറത്തുവരുന്നുണ്ട് ഫുട്ബോള് വര്ക്ക് ഷോപ്പുകള്ക്കായാണ് സന്ദർശനം. മുംബൈ, കൊല്ക്കത്ത, ഡല്ഹി നഗരങ്ങൾ സന്ദര്ശിക്കുമെന്നാണ് റിപ്പോര്ട്ടുകള് സൂചിപ്പിക്കുന്നത്. വാംഖഡെ സ്റ്റേഡിയം, ഈഡന് ഗാര്ഡന്സ്, അരുണ് ജെയ്റ്റ്ലി സ്റ്റേഡിയം എന്നിവിടങ്ങളില് മെസി സന്ദര്ശനം നടത്താൻ സാധ്യതയുണ്ട്. വാംഖഡെ സ്റ്റേഡിയത്തില് നടക്കുന്ന ക്രിക്കറ്റ് മത്സരത്തില് മെസി പങ്കെടുക്കാനും സാധ്യതയുണ്ടെന്നാണ് വിവരം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
