 "Aryadan Shoukath: നിലമ്പൂരിന്റെ ബാപ്പൂട്ടി ഇനി നിയമസഭയിൽ; ആര്യാടൻ ഷൗക്കത്തിന്റെ സത്യപ്രതിജ്ഞ വെള്ളിയാഴ്ച")
)
മലപ്പുറം: നിലമ്പൂർ ഉപതിരഞ്ഞെടുപ്പിൽ വലിയ ഭൂരിപക്ഷത്തോടെ വിജയിച്ച യുഡിഎഫ് സ്ഥാനാർത്ഥി ആര്യാടൻ ഷൗക്കത്തിന്റെ സത്യപ്രതിജ്ഞ ജൂൺ 27ന്. വെള്ളിയാഴ്ച വൈകിട്ട് മൂന്നരയ്ക്കാണ് ഷൗക്കത്ത് എംഎൽഎയായി സത്യപ്രതിജ്ഞ ചെയ്യുന്നത്. ശങ്കരനാരായണൻ തമ്പി ഹാളിൽ വച്ചാണ് സത്യപ്രതിജ്ഞ ചടങ്ങ് നടക്കുക. സ്പീക്കർ എ എൻ ഷംസീറിന് മുന്നിലാണ് ഷൗക്കത്ത് എംഎല്എയായി സത്യപ്രതിജ്ഞ ചെയ്യുക.
''നല്ല നിലമ്പൂരിനായുള്ള യാത്രയിൽ നിങ്ങളുടെ സ്നേഹവും പിന്തുണയും ഉണ്ടാവുമെന്ന പ്രതീക്ഷയോടെ മുന്നോട്ട്...'' എന്ന് കുറിച്ച് കൊണ്ടാണ് സത്യപ്രതിജ്ഞയെ കുറിച്ച് ആര്യാടൻ ഷൗക്കത്ത് അറിയിച്ചിരിക്കുന്നത്.
11,077 വോട്ടിന്റെ ഭൂരിപക്ഷത്തിലാണ് ആര്യാടൻ ഷൗക്കത്ത് നിലമ്പൂർ തിരിച്ചുപിടിച്ചത്. വോട്ടെണ്ണലിന്റെ തുടക്കം മുതൽ തന്നെ ലീഡ് നിലനിർത്തിയ ഷൗക്കത്ത് 19ാം റൗണ്ടിൽ അവസാന ബൂത്ത് എണ്ണിത്തീരും വരെയും ഒന്നാമനായി തന്നെ തുടർന്നു. 44.17ശതമാനം വോട്ട് സ്വന്തമാക്കിയാണ് ആര്യാടൻ ഷൗക്കത്തിന്റെ വിജയം. എൽഡിഎഫിന്റെ ശക്തികേന്ദ്രങ്ങളിൽ ഉള്പ്പെടെ ഷൗക്കത്ത് മുന്നേറ്റമുണ്ടാക്കി. വോട്ടുവഹിതവും ഉയർത്തി. ആകെ 77,737 വോട്ടുകളാണ് ആര്യാടൻ ഷൗക്കത്ത് നേടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
