 "Athulya Death Case: അതുല്യയുടെ മരണം: ഭർത്താവ് സതീഷിനെ ജോലിയിൽ നിന്ന് പിരിച്ചു വിട്ട് ദുബായ് കമ്പനി")
)
കൊല്ലം: ഷാർജയിൽ മലയാളി യുവതി അതുല്യയെ മരിച്ച നിലയിൽ കണ്ടെത്തിയതിന് പിന്നാലെ ഭർത്താവ് സതീഷിനെ ജോലിയില് നിന്ന് പിരിച്ചുവിട്ട് ദുബായ് കമ്പനി. ദുബായിലെ ഒരു സ്വകാര്യ കമ്പനിയില് സൈറ്റ് എഞ്ചിനീയറായിട്ടായിരുന്നു സതീഷ് ജോലി ചെയ്തിരുന്നത്.
Also Read: അതുല്യയുടെ മരണം: അന്വേഷിക്കാൻ പ്രത്യേക സംഘം
കമ്പനിയില് നിന്ന് പിരിച്ചുവിടുന്നതായി കമ്പനി സതീഷിന് രേഖാമൂലം കത്ത് നല്കി എന്നാണ് റിപ്പോർട്ട്. സതീഷ് ഈ കമ്പനിയിൽ ഒരു വര്ഷം മുമ്പാണ് ജോലിയില് പ്രവേശിച്ചത്. അതുല്യയുടെ ബന്ധുക്കള് നല്കിയ പരാതിയും സതീഷിന്റെ അക്രമാസക്തമായ പെരുമാറ്റ വീഡിയോകളും പരിഗണിച്ചാണ് ഈ നടപടിയെന്ന് കമ്പനി അറിയിച്ചതായിട്ടാണ് വിവരം.
ഇതിനിടയിൽ അതുല്യയുടെ മൃതദേഹം റീ പോസ്റ്റ്മോര്ട്ടം ചെയ്യുമെന്നും റിപ്പോർട്ടുണ്ട്. കേരളത്തില് എത്തിച്ച ശേഷമായിരിക്കും പോസ്റ്റ്മോര്ട്ടം നടത്തുക എന്നാണ് റിപ്പോർട്ട്. മാത്രമല്ല സതീഷിനായി ലുക്കൗട്ട് നോട്ടീസ് ഇറക്കുമെന്നും റിപ്പോർട്ടുണ്ട്. ഇയാളെ നാട്ടിലെത്തിക്കാനുള്ള ശ്രമവും നടക്കുന്നുണ്ട്. ഷാര്ജ പോലീസ് സതീഷിന്റെ പാസ്പോര്ട്ട് കസ്റ്റഡിയില് എടുത്തിട്ടുണ്ട്. അതുല്യയുടെ മരണം അന്വേഷിക്കാന് പ്രത്യേക സംഘത്തെ കഴിഞ്ഞ ദിവസം ചുമതലപ്പെടുത്തി. ഇന്ന് അന്വേഷണ സംഘത്തിന്റെ പ്രത്യേക യോഗം ചേരും.
ജൂലൈ 19 ശനിയാഴ്ചയാണ് കൊല്ലം സ്വദേശി അതുല്യയെ ഷാർജയിലെ ഫ്ലാറ്റിൽ തൂങ്ങി മരിച്ച നിലയിൽ കണ്ടെത്തിയത്. അതുല്യ പുതിയ ജോലിയില് പ്രവേശിക്കാനിരിക്കുകയായിരുന്നു മരണം. ദുബായില് കോണ്ട്രാക്ടിങ് സ്ഥാപനത്തില് എന്ജിനീയറായി ജോലി ചെയ്യുകയാണ്അതുല്യയുടെ ഭർത്താവ് സതീഷ്.
മരണത്തില് ഷാര്ജ പൊലീസ് അന്വേഷണം ആരംഭിച്ചുണ്ട്. സംഭവത്തില് ചവറ തെക്കുംഭാഗം പോലീസ് സതീഷിനെതിരെ കൊലപാതകക്കുറ്റം ചുമത്തി കേസെടുത്തിട്ടുണ്ട്. കൊലപാതകക്കുറ്റം, സ്ത്രീധന നിരോധന നിയമം, ആത്മഹത്യാപ്രേരണക്കുറ്റം തുടങ്ങി വിവിധ വകുപ്പുകൾ പ്രകാരമാണ് കേസെടുത്തിരിക്കുന്നത്. കേസെടുത്തത് അമ്മയുടെയും അച്ഛന്റെയും മൊഴിയുടെ അടിസ്ഥാനത്തിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
