 "Athulya Death Case: അതുല്യയുടെ മരണം: അന്വേഷിക്കാൻ പ്രത്യേക സംഘം")
)
കൊല്ലം: ഷാർജയിൽ മലയാളി യുവതി അതുല്യയെ മരിച്ച നിലയിൽ കണ്ടെത്തിയ സംഭവം അന്വേഷിക്കാൻ പ്രത്യേക സംഘം. ഇൻസ്പെക്ടർ എസ് ശ്രീകുമാറിന്റെ നേതൃത്വത്തിലുള്ള എട്ടംഗ സംഘമാണ് അതുല്യ കേസിൽ അന്വേഷണം നടത്തുക.
ജൂലൈ 19 ശനിയാഴ്ചയാണ് കൊല്ലം സ്വദേശി അതുല്യയെ ഷാർജയിലെ ഫ്ലാറ്റിൽ തൂങ്ങി മരിച്ച നിലയിൽ കണ്ടെത്തിയത്. അതുല്യ പുതിയ ജോലിയില് പ്രവേശിക്കാനിരിക്കുകയായിരുന്നു മരണം. ദുബായില് കോണ്ട്രാക്ടിങ് സ്ഥാപനത്തില് എന്ജിനീയറായി ജോലി ചെയ്യുകയാണ്അതുല്യയുടെ ഭർത്താവ് സതീഷ്.
മരണത്തില് ഷാര്ജ പൊലീസ് അന്വേഷണം ആരംഭിച്ചുണ്ട്. സംഭവത്തില് ചവറ തെക്കുംഭാഗം പോലീസ് സതീഷിനെതിരെ കൊലപാതകക്കുറ്റം ചുമത്തി കേസെടുത്തിട്ടുണ്ട്. കൊലപാതകക്കുറ്റം, സ്ത്രീധന നിരോധന നിയമം, ആത്മഹത്യാപ്രേരണക്കുറ്റം തുടങ്ങി വിവിധ വകുപ്പുകൾ പ്രകാരമാണ് കേസെടുത്തിരിക്കുന്നത്. കേസെടുത്തത് അമ്മയുടെയും അച്ഛന്റെയും മൊഴിയുടെ അടിസ്ഥാനത്തിലാണ്.
ഇതിനിടയിൽ അതുല്യയെ മരിച്ച നിലയിൽ കണ്ടെത്തിയ സംഭവത്തിൽ പ്രതികരണവുമായി അമ്മ രംഗത്തെത്തിയിരുന്നു. അതുല്യയുടേത് കൊലപാതകമാണെന്നും തന്റെ മകൾ ജീവനൊടുക്കില്ലെന്ന് പലകുറി ആവര്ത്തിച്ചിട്ടുണ്ടെന്നും ഭര്ത്താവ് സതീഷ് മകളെ കൊലപ്പെടുത്തിയതാണെന്നുമാണ് അമ്മ പറഞ്ഞത്. വിവാഹം കഴിഞ്ഞതിന്റെ തൊട്ടടുത്ത ദിവസം തന്നെ മകള്ക്ക് നല്കിയ സ്വര്ണ്ണം സതീഷും അമ്മയും തൂക്കി നോക്കിയിരുന്നു. അത് 50 പവന് ഉണ്ടായിരുന്നില്ല എന്നും പറഞ്ഞ് അന്ന് തുടങ്ങിയതാണ് മകള്ക്കെതിരായയുള്ള ഉപദ്രവം എന്നാണ് അമ്മ പറയുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
