Attukal Pongala 2025: 'ശുചിത്വ പൊങ്കാല പുണ്യ പൊങ്കാല'; ആറ്റുകാൽ പൊങ്കാല മാർച്ച് 13ന്, ഭക്തർ ശ്രദ്ധിക്കേണ്ട കാര്യങ്ങൾ ഇതെല്ലാം

Attukal Pongala 2025 Date: മാർച്ച് 13ന് ആണ് ഈ വർഷത്തെ പൊങ്കാല. ശുചിത്വ പൊങ്കാല പുണ്യ പൊങ്കാല എന്നതാണ് ഈ വർഷത്തെ പൊങ്കാലയുടെ ശുചിത്വ മിഷന്റെ മോട്ടോ.

തിരുവനന്തപുരം: മാർച്ച് അഞ്ചിന് കാപ്പുകെട്ടോടെ ആറ്റുകാൽ പൊങ്കാല മഹോത്സവം ആരംഭിക്കും. മാർച്ച് 13ന് ആണ് ഈ വർഷത്തെ പൊങ്കാല. മാർച്ച് 13 വ്യാഴാഴ്ച രാവിലെ 10.15ന് പണ്ടാര അടുപ്പിൽ തീ പകരും. ഉച്ചയ്ക്ക് 1.15ന് നിവേദിക്കും. ശുചിത്വ പൊങ്കാല പുണ്യ പൊങ്കാല എന്നതാണ് ഈ വർഷത്തെ പൊങ്കാലയുടെ ശുചിത്വ മിഷന്റെ മോട്ടോ.

Add Zee News as a Preferred Source

ക്ഷേത്ര പരിസരത്ത് കട നടത്താൻ ലൈസൻസ് ഉള്ളവർക്ക് മാത്രമാണ് അനുമതി നൽകുക. ഉത്സവ ദിനങ്ങളിലെല്ലാം ഭക്ഷ്യസുരക്ഷാ ഉദ്യോ​ഗസ്ഥർ പരിശോധന നടത്തും. പൊങ്കാലയ്ക്ക് വരുന്ന ഭക്തർ സ്റ്റീൽ പ്ലേറ്റും കപ്പും കൊണ്ടുവരണമെന്ന് നിർദേശമുണ്ട്. കുത്തിയോട്ട നേർച്ചയ്ക്കായി ഇത്തവണ 592 കുട്ടികളാണ് രജിസ്റ്റർ ചെയ്തിരിക്കുന്നത്. വാഹനങ്ങൾ പാർക്ക് ചെയ്യുന്നതിനായി ബണ്ട് റോഡിൽ നാല് മൈതാനങ്ങൾ ലഭ്യമാക്കിയിട്ടുണ്ട്.

സുരക്ഷ ഉറപ്പാക്കുന്നതിനായി 4000 പോലീസുകാർ ഡ്യൂട്ടിയിലുണ്ടാകും. വെള്ളയമ്പലം മുതൽ തൈക്കാട് വരെയുള്ള ഹൈടെക് റോഡിലെ ടൈലിൽ പൊങ്കാലയിടാതിരിക്കാൻ ഭക്തർ ശ്രദ്ധിക്കണം. കലാപരിപാടികളുടെ ഉദ്ഘാടനം ചലച്ചിത്രതാരം നമിതാ പ്രമോദ് നിർവഹിക്കും. സം​ഗീതജ്ഞ പത്മശ്രീ ഡോ. കെ ഓമനക്കുട്ടിക്കാണ് ഈ വർഷത്തെ ആറ്റുകാൽ അംബാ പുരസ്കാരം.