 "Atulya Death Case: അതുല്യയുടെ മരണം: കേസ് ക്രൈം ബ്രാഞ്ചിന് കൈമാറും")
ഷാർജ: ഷാർജയിൽ മരിച്ച നിലയിൽ കണ്ടെത്തിയ മലയാളി യുവതി അതുല്യയുടെ കേസ് ക്രൈംബ്രാഞ്ചിന് കൈമാറാന് തീരുമാനതായി റിപ്പോർട്ട്. പോസ്റ്റ്മോര്ട്ടത്തില് അതുല്യ സ്വയം ജീവനൊടുക്കിയതാണെന്ന് കണ്ടെത്തിയെങ്കിലും അതുല്യയുടെ കുടുംബം ഇത് വിശ്വസിക്കാത്തതിനാലാണ് കേസ് ക്രൈംബ്രാഞ്ചിന് കൈമാറുന്നത് എന്നാണ് റിപ്പോർട്ട്.
അതുല്യയെ ഭര്ത്താവ് സതീഷ് തന്നെയാണ് കൊലപ്പെടുത്തിത് എന്ന ആരോപണമാണ് കുടുംബം ഇപ്പോഴും ഉന്നയിക്കുന്നത്. ജൂലൈ 19 ശനിയാഴ്ചയാണ് കൊല്ലം സ്വദേശി അതുല്യയെ ഷാർജയിലെ ഫ്ലാറ്റിൽ തൂങ്ങി മരിച്ച നിലയിൽ കണ്ടെത്തിയത്. അതുല്യ പുതിയ ജോലിയില് പ്രവേശിക്കാനിരിക്കെയായിരുന്നു മരണം. ദുബായില് കോണ്ട്രാക്ടിങ് സ്ഥാപനത്തില് എന്ജിനീയറായി ജോലി ചെയ്യുകയാണ് അതുല്യയുടെ ഭർത്താവ് സതീഷ്.
അതുല്യയെ തൂങ്ങിമരിച്ച നിലയിൽ കണ്ടെത്തിയതിന് പിന്നാലെ ഭര്ത്താവ് സതീഷ് ശങ്കര് ഉപദ്രവിക്കുന്നതിന്റെ ദൃശ്യങ്ങള് പുറത്തു വന്നിരുന്നു. ഒപ്പം അതുല്യയുടെ ശരീരത്തില് മര്ദ്ദനമേറ്റതിന്റെ വീഡിയോകളും പുറത്തു വന്നിരുന്നു. ഇതിനിടയിലാണ് അതുല്യ സതീഷില് നിന്ന് ക്രൂരമായ പീഡനം നേരിട്ടിരുന്നുവെന്നും അതുല്യയെ സതീഷ് കൊലപ്പെടുത്തിയതാണെന്നുമുള്ള ആരോപണവുമായി കുടുംബം രംഗത്തെത്തിയത്.
സതീഷിനെതിരെ അതുല്യയുടെ കുടുംബം ചവറ പോലീസില് പരാതി നല്കുകയും ഇതിന്റെ അടിസ്ഥാനത്തില് സതീഷിനെതിരെ കൊലക്കുറ്റം, ആത്മഹത്യാപ്രേരണ, സ്ത്രീധന നിരോധന നിയമം അടക്കം ചുമത്തി ചവറ പൊലീസ് കേസെടുക്കുകയുമായിരുന്നു. അതുല്യയുടെ മരണത്തില് സതീഷിന് പങ്കുണ്ടെന്ന് കാണിച്ച് സഹോദരി അഖില നല്കിയ പരാതിയില് ഷാര്ജ പോലീസും അന്വേഷണം നടത്തിയിരുന്നു. അതിനു പിന്നാലെയാണ് ഫോറന്സിക് പരിശോധനയില് അതുല്യയുടേത് ആത്മഹത്യ തന്നെയെന്നാണ് വ്യക്തമായത്. ഫോറന്സിക് പരിശോധനയുടെ പകര്പ്പ് ഷാര്ജ പോലീസ് അഖിലയ്ക്ക് അയച്ചു നല്കി. എന്നാല് അതുല്യയെ സതീഷ് കൊലപ്പെടുത്തിയതാണെന്ന സംശയത്തില് ഉറച്ചുനില്ക്കുകയാണ് അതുല്യയുടെ കുടുംബം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)