 "Bharat Bandh July 9: ഡയസ്നോൺ പ്രഖ്യാപിച്ച് കെഎസ്ആർടിസി; പണിമുടക്ക് ദിവസം ജോലിക്ക് ഹാജരായില്ലെങ്കിൽ വേതനമില്ല!")
തിരുവനന്തപുരം: ബുധനാഴ്ച നടക്കാനിരിക്കുന്ന അഖിലേന്ത്യാ പണിമുടക്കിന് മുൻപായി ഡയസ്നോൺ പ്രഖ്യാപിച്ച് കെഎസ്ആർടിസി. പണിമുടക്ക് ദിവസം ജോലിക്ക് ഹാജരായില്ലെങ്കിൽ ആ ദിവസത്തെ വേതനം ലഭിക്കില്ല. എല്ലാ സർവീസുകളും സാധാരണ പോലെ നടത്തണമെന്നും കെഎസ്ആർടിസി മാനേജ്മെന്റ് നിർദേശം നൽകി.
ഗതാഗതമന്ത്രി കെബി ഗണേഷ് കുമാറും സാധാരണ പോലെ എല്ലാ കെഎസ്ആർടിസി ബസുകളും സർവീസ് നടത്തണമെന്ന് പറഞ്ഞു. എന്നാൽ, തൊഴിലാളി യൂണിയനുകൾ ഈ നിർദേശം തള്ളിക്കളഞ്ഞിരുന്നു. ഇതിന് പിന്നാലെയാണ് ഡയസ്നോൺ പ്രഖ്യാപിച്ച് ഉത്തരവ് പുറത്തിറക്കിയത്.
ALSO READ: നാളെ ദേശീയ പണിമുടക്ക്
അതേസമയം, കെഎസ്ആർടിസിയിലെ തൊഴിലാളികൾ പണിമുടക്കിൽ പങ്കെടുക്കില്ലെന്ന ഗതാഗതമന്ത്രി കെബി ഗണേഷ് കുമാറിന്റെ വാദം എൽഡിഎഫ് കൺവീനർ ടിപി രാമകൃഷ്ണൻ തള്ളിയിരുന്നു. തൊഴിലാളികൾ സമരത്തിൽ പങ്കെടുക്കില്ലെന്ന് പറയാൻ മന്ത്രിക്ക് അധികാരം ഇല്ല.
കെഎസ്ആർടിസി നാളെ സ്തംഭിക്കുമെന്നും ടിപി രാമകൃഷ്ണൻ പറഞ്ഞു. സ്വകാര്യ വാഹനങ്ങളും നിരത്തിൽ ഇറക്കാതെ പണിമുടക്കുമായി സഹകരിക്കുന്ന ആയിരിക്കും നല്ലതെന്നും എൽഡിഎഫ് കൺവീനർ ടിപി രാമകൃഷ്ണൻ വ്യക്തമാക്കി.
ഒന്നാം തിയതിക്ക് മുൻപായി ശമ്പളം ലഭിക്കുന്നതിനാൽ കെഎസ്ആർടിസി ജീവനക്കാർ സന്തുഷ്ടരാണെന്നും അതിനാൽ തന്നെ അവർക്ക് സമരത്തിൽ പങ്കെടുക്കേണ്ട ആവശ്യം ഇല്ലെന്നുമായിരുന്നു കെബി ഗണേഷ് കുമാറിന്റെ നിലപാട്. കെഎസ്ആർടിസി ബസുകൾ പതിവുപോലെ തന്നെ സർവീസ് നടത്തുമെന്നും മന്ത്രി പറഞ്ഞിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)