Bike Accident: ചങ്ങരംകുളത്ത് ബൈക്ക് വൈദ്യുതി പോസ്റ്റിൽ ഇടിച്ച് അപകടം; യുവാവിന് ദാരുണാന്ത്യം

മലപ്പുറം: മലപ്പുറം ചങ്ങരംകുളം തരിയത്ത് ബൈക്ക് അപകടത്തിൽ യുവാവ് മരിച്ചു. വൈദ്യുതി പോസ്റ്റിലിടിച്ച് മറിഞ്ഞാണ് ബൈക്ക് അപകടമുണ്ടായത്. കാഞ്ഞിയൂർ സ്വദേശി റമീസ് അപകടത്തിൽ മരിച്ചു. കൂടെ യാത്ര ചെയ്ത സുഹൃത്ത് അൻഷാദിന് ​ഗുരുതരമായി പരിക്കേറ്റു.

അൻഷാദിനെ കുന്നംകുളത്തെ സ്വകാര്യ ആശുപത്രിയിൽ ചികിത്സയിൽ പ്രവേശിപ്പിച്ചിരിക്കുകയാണ്. അതിവേ​ഗതയിലെത്തിയ ബൈക്ക് നിയന്ത്രണം വിട്ട് വൈദ്യുതി പോസ്റ്റിൽ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് മറിയുകയും ചെയ്തു.

ബൈക്ക് അമിതവേ​ഗതയിലായിരുന്നുവെന്നും നിയന്ത്രണം വിട്ട് ഇലക്ട്രിക പോസ്റ്റിൽ ഇടിച്ച് മറിയുകയായിരുന്നുവെന്നും സിസിടിവി ദൃശ്യങ്ങളിൽ നിന്ന് വ്യക്തമാകുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ബൈക്ക് ഓടിച്ചിരുന്ന റമീസിന്റെ മരണം സംഭവിച്ചിരുന്നു.

കൂടെ യാത്ര ചെയ്തിരുന്ന അൻഷാദിന്റെ ആരോ​ഗ്യ നില ​ഗുരുതരമാണ്. അൻഷാദ് നിലവിൽ കുന്നംകുളത്തെ സ്വകാര്യ ആശുപത്രിയിൽ ചികിത്സയിൽ തുടരുകയാണ്. അമിതവേ​ഗമാണ് അപകടകാരണമെന്നാണ് പ്രാഥമിക നി​ഗമനം. സംഭവത്തിൽ പോലീസ് അന്വേഷണം ആരംഭിച്ചു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.