 "Thrissur Road Accident: കുഴിയിൽ വീഴാതിരിക്കാൻ വെട്ടിച്ചു; തൃശൂരിൽ ബൈക്ക് യാത്രികന് ദാരുണാന്ത്യം, റോഡ് ഉപരോധിച്ച് നാട്ടുകർ")
തൃശൂര്: തൃശൂരിൽ യുവാവിന്റെ ജീവനെടുത്ത് റോഡിലെ കുഴികൾ. ലാലൂര് എൽത്തുരുത്ത് സ്വദേശി ആബേൽ ചാക്കോ എന്ന യുവാവാണ് മരിച്ചത്. കുഴിയിൽ വീഴാതിരിക്കാൻ ബൈക്ക് വെട്ടിച്ചപ്പോൾ സ്വകാര്യ ബസിനിടയിൽപെടുകയായിരുന്നു.
ബാങ്ക് ജീവനക്കാരനായ ആബേൽ രാവിലെ ബൈക്കിൽ ജോലിക്ക് പോകുന്നതിനിടെ റോഡിലെ കുഴിയിൽ വീഴാതിരിക്കാൻ വെട്ടിച്ചപ്പോഴാണ് അപകടമുണ്ടായത്. ബൈക്ക് വെട്ടിച്ചതും സ്വകാര്യ ബസ് ഇടിക്കുകയും ആബേൽ ബസിനടിയിൽപെടുകയുമായിരുന്നു.
അതേസമയം ബസ് അമിതവേഗതിലായിരുന്നുവെന്നാണ് നാട്ടുകാരുടെ ആരോപണം. ബസുകളുടെ അമിത വേഗതയും റോഡിലെ കുഴിയുമാണ് അപകട കാരണമെന്നാരോപിച്ച് റോഡ് തടഞ്ഞ് പ്രതിഷേദിക്കുകയാണ് നാട്ടുകാർ. കൗണ്സിലര് മെഫി ഡെന്സന്റെ നേതൃത്വത്തിലാണ് പ്രതിഷേധം.
കഴിഞ്ഞ മാസം അമ്മയുമായി ക്ഷേത്രത്തിലേക്ക് സ്കൂട്ടറിൽ പോവുകയായിരുന്ന യുവാവും സമാനമായ രീതിയിൽ മരിച്ചിരുന്നു. കുഴിയിൽ വീഴാതിരിക്കാൻ സ്കൂട്ടര് വെട്ടിച്ചപ്പോള് പിന്നാലെയെത്തിയ ബസ് ഇടിച്ചുകയറി പുങ്കുന്നം സ്വദേശി വിഷ്ണുദത്താണ് മരിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)