Bird flu: ആലപ്പുഴയിൽ പക്ഷിപ്പനി പടരുന്നു; ജാ​ഗ്രത പുലർത്തണമെന്ന് നിർദേശം

Bird flu in Alappuzha: പു​ന്ന​മ​ട​യി​ലും ത​ത്തം​പ​ള്ളി​യി​ലും കാ​ക്ക​ക​ൾ ച​ത്തു​വീ​ണത് ആശങ്കയ്ക്ക് ഇടയാക്കിയിട്ടുണ്ട്. പ​ക്ഷി​പ്പ​നി ബാ​ധി​ത​മേ​ഖ​യി​ലെ 6,069 പ​ക്ഷി​ക​ളെ ​​കൊ​ന്നു.

ആ​ല​പ്പു​ഴ: ആലപ്പുഴ ജില്ലയിൽ പക്ഷിപ്പനി​ വ്യാ​പി​ക്കു​ന്നു. ജില്ലയിലെ കൂടുതൽ മേഖലകളിലേക്ക് പക്ഷിപ്പനി വ്യാപിച്ചതോടെ അ​ധി​കൃ​ത​ർ ക​ള്ളി​ങ്, പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കി. പു​ന്ന​മ​ട​യി​ലും ത​ത്തം​പ​ള്ളി​യി​ലും കാ​ക്ക​ക​ൾ ച​ത്തു​വീ​ണത് ആശങ്കയ്ക്ക് ഇടയാക്കിയിട്ടുണ്ട്. പ​ക്ഷി​പ്പ​നി ബാ​ധി​ത​മേ​ഖ​യി​ലെ 6,069 പ​ക്ഷി​ക​ളെ ​​കൊ​ന്നു. ഇവയെ ശാസ്ത്രീയമായ രീതിയിൽ​ ക​ത്തി​ച്ച്​ ക​ള്ളി​ങ്​ പൂ​ർ​ത്തി​യാ​ക്കി.

കോ​ഴി​ക​ളി​ൽ രോ​ഗ​ബാ​ധ സം​ശ​യി​ച്ച​ നാ​ലി​ട​ത്ത് ​നി​ന്ന്​ പു​തി​യ സാ​മ്പി​ൾ ശേ​ഖ​രി​ച്ച് പ​രി​ശോ​ധ​ന​ക്കാ​യി ഭോ​പ്പാ​ലി​ലെ നാ​ഷ​ന​ൽ ഇ​ൻ​സ്റ്റി​ട്ട്യൂ​ട്ട്​ ഓ​ഫ്​ ഹൈ​സെ​ക്യൂ​രി​റ്റി ലാ​ബി​ലേ​ക്ക്​ അ​യ​ച്ചു. പ​രി​​ശോ​ധ​ന ഫ​ലം ലഭിക്കുന്നതിന് അനുസരിച്ച് തുടർ നടപടികൾ സ്വീകരിക്കുമെന്ന്​ മൃ​ഗ​സം​ര​ക്ഷ​ണ​വ​കു​പ്പ്​ അ​ധി​കൃ​ത​ർ അ​റി​യി​ച്ചു. താ​റാ​വി​നും കോ​ഴി​ക​ൾ​ക്കും പി​ന്നാ​ലെ കാ​ക്ക​ൾ​ക്കും പ​രു​ന്തി​നും കൊ​ക്കി​നും പ​ക്ഷി​പ്പ​നി ക​ണ്ടെ​ത്തി​.

ഇതോടെ​ ജി​​ല്ല​യി​ൽ പക്ഷിപ്പനി രോ​ഗ​വ്യാ​പ​നം വർധിച്ചു. ജില്ലയിൽ പക്ഷിപ്പനി വർധിച്ച സാഹചര്യത്തിൽ ആ​രോ​ഗ്യ ​വ​കു​പ്പ്​ ജാ​ഗ്ര​ത​ നി​ർ​ദേ​​ശം പു​റ​ത്തി​റ​ക്കി​. കേ​ര​ള​ത്തി​ൽ ആ​ദ്യ​മാ​യാ​ണ്​ കാ​ക്ക​യി​ലും പ​രു​ന്തി​ലും കൊ​ക്കി​ലും പ​ക്ഷി​പ്പ​നി സ്ഥി​രീ​ക​രി​ക്കുന്നത്. മാ​രാ​രി​ക്കു​ളം തെ​ക്ക്, വ​ട​ക്ക് പ​ഞ്ചാ​യ​ത്തു​ക​ളി​ൽ ച​ത്ത​നി​ല​യി​ൽ ക​ണ്ടെ​ത്തി​യ പ​രു​ന്തു​ക​ളി​ൽ രോ​ഗം സ്ഥിരീകരിച്ചു. മാ​രാ​രി​ക്കു​ളം തെ​ക്ക് പ​ഞ്ചാ​യ​ത്തി​ൽ ക​ണ്ടെ​ത്തി​യ കൊ​ക്കി​ലും​ പക്ഷിപ്പനി സ്ഥിരീകരിച്ചു.

മു​ഹ​മ്മ പ​ഞ്ചാ​യ​ത്തി​ൽ ച​ത്തു​വീ​ണ കാ​ക്ക​ക​ളി​ലാണ് ആ​ദ്യം രോ​ഗം ക​ണ്ടെ​ത്തി​യ​ത്. ഇ​തി​ന് ​പു​റ​മേ ത​ണ്ണീ​ർ​മു​ക്കം, മ​ണ്ണ​ഞ്ചേ​രി, പ​ള്ളി​പ്പു​റം പ​ഞ്ചാ​യ​ത്തു​ക​ളി​ലും ആ​ല​പ്പു​ഴ ന​ഗ​ര​സ​ഭ​യി​ലും ച​ത്തു​വീ​ണ കാ​ക്ക​ക​ളി​ലും രോ​ഗം സ്ഥിരീകരിച്ചു. കാ​ക്ക, പ​രു​ന്ത്, കൊ​ക്ക് എ​ന്നി​വ​യ്ക്ക്​ രോ​ഗം ക​ണ്ടെ​ത്തി​യ പ്രദേശങ്ങളിലെ വ​ള​ർ​ത്തു​ പ​ക്ഷി​ക​ളെ കൊ​ന്നൊ​ടു​ക്കി​ല്ല.