 "Car Explosion In Palakkad: പാലക്കാട് കാർ പൊട്ടിത്തെറിച്ച് പൊള്ളലേറ്റ കുട്ടികൾ മരിച്ചു; അമ്മയുടെ നില ഗുരുതരം")
പാലക്കാട്: പൊല്പ്പുള്ളിയിൽ കാർ പൊട്ടിത്തെറിച്ച് ഉണ്ടായ അപകടത്തിൽ പൊള്ളലേറ്റ കുട്ടികൾ മരിച്ചു. നാല് വയസുകാരി എമിലീന, ആറ് വയസുകാരൻ ആൽഫ്രഡ് എന്നിവരാണ് മരിച്ചത്. പൊള്ളലേറ്റ ഇവരുടെ അമ്മ എൽസി മാർട്ടിനും സഹോദരി അലീന (10)യും ചികിത്സയിലാണ്. അമ്മയുടെ നില ഗുരുതരമാണെന്നാണ് വിവരം.
പാലക്കാട്ടെ സ്വകാര്യ ആശുപത്രിയില് നഴ്സാണ് എൽസി. എൽസിയുടെ ഭര്ത്താവ് കാൻസര് ബാധിച്ച് 55 ദിവസം മുമ്പാണ് മരിച്ചത്. മൂന്ന് മക്കൾക്കൊപ്പം പൊൽപ്പുള്ളി പൂളക്കാടുള്ള വീട്ടിലാണ് ഇവർ കഴിഞ്ഞിരുന്നത്. ഇതിനിടെ അസുഖം ബാധിച്ച് എൽസിക്ക് ശസ്ത്രക്രിയ നടത്തുകയും ചെയ്തിരുന്നു. കഴിഞ്ഞ ദിവസം ജോലിയിൽ തിരികെ പ്രവേശിച്ച എൽസി ഇന്നലെ വൈകിട്ടോടെ കുട്ടികളുമൊത്ത് പുറത്ത് പോകാൻ ഇറങ്ങുന്നതിനിടെയാമ് അപകടമുണ്ടാത്. വീട്ടുമുറ്റത്ത് വച്ച് കാർ പൊട്ടിത്തെറിക്കുകയായിരുന്നു.
ബാറ്ററി ഷോർട്ട് സർക്യൂട്ട് മൂലമാണ കാർ പൊട്ടിത്തെറിച്ചതെന്നാണ് ഫയർഫോഴ്സിൻ്റെ പ്രാഥമിക നിഗമനം. കുടുംബത്തിന്റെ ചികിത്സാ ചെലവ് സർക്കാർ ഏറ്റെടുക്കുമെന്ന് വൈദ്യുതി വകുപ്പ് മന്ത്രി കെ കൃഷ്ണൻകുട്ടി വ്യക്തമാക്കി.
അപകടത്തിൽ ഇളയ മകൾ എമിലീനയ്ക്ക് 90 ശതമാനത്തിൽ അധികം പൊള്ളലേറ്റിരുന്നു. മൂത്തമകൾ അലീനക്ക് 40% പൊള്ളലേറ്റു. കാലപ്പഴക്കം ചെന്ന കാറിൽ ബാറ്ററി ഷോർട്ട് സർക്യൂട്ട് സംഭവിച്ചതായിരിക്കാം പൊട്ടിത്തെരിക്ക് കാരണമെന്നാണ് ഫയർഫോഴ്സിൻ്റെ പ്രാഥമിക നിഗമനം. സംഭവത്തിൽ മോട്ടോർ വാഹന വകുപ്പും പൊലീസും വിശദമായ അന്വേഷണം നടത്തും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)