നേവിയുടെ ഐഎൻഎസ് സുജാതയും കോസ്റ്റ് കാർഡിൻ്റെ കപ്പലുകളുമായിരുന്നു രക്ഷാപ്രവർത്തനത്തിന് നേതൃത്വം നൽകിയിരുന്നത്.
കൊച്ചി: അറബികടലിൽ അപകടത്തില്പ്പെട്ട എംഎസ്സി എല്സ 3 കപ്പല് പൂര്ണമായും മുങ്ങിയതായി റിപ്പോർട്ട്. കപ്പലില് ഉണ്ടായിരുന്ന കണ്ടെയ്നറുകള് മുഴുവനായും കടലില് പതിച്ചു. കപ്പലില് ഉണ്ടായിരുന്ന ക്യാപ്റ്റനേയും രണ്ട് ജീവനക്കാരേയും നാവിക സേനയുടെ ഐഎന്സ് സുജാതയിലിലേക്ക് മാറ്റിയിട്ടുണ്ട്.
ഇന്നലെ രക്ഷപ്പെടുത്തിയ 21 ജീവനക്കാരെ കോസ്റ്റ് ഗാര്ഡിന്റെ ജെട്ടിയില് എത്തിച്ചതായും റിപ്പോർട്ടുണ്ട്. കപ്പൽ അപകടത്തിൽപ്പെട്ട സാഹചര്യത്തിൽ ചീഫ് സെക്രട്ടറി അടിന്തര യോഗം വിളിച്ചിട്ടുണ്ട്. യോഗം ഓൺലൈനിലൂടെയാണ് വിളിച്ചിരിക്കുന്നത്. രക്ഷാപ്രവർത്തനത്തിന് നേതൃത്വം നൽകിയത് നേവിയുടെ ഐഎൻഎസ് സുജാതയും കോസ്റ്റ് കാർഡിൻ്റെ കപ്പലുകളുമാണ്. 184 മീറ്റര് നീളവും 26 മീറ്റര് വിസ്താരവുമുള്ള കപ്പലാണ് എം.എസ്.സി. എല്സ 3. സംഭവത്തെ തുടർന്ന് മാതൃ കമ്പനിയുടെ മറ്റൊരു കപ്പലും പ്രദേശത്ത് എത്തിയിട്ടുണ്ട്.
നാന്നൂറോളം കണ്ടെയ്നറുകളുമായാണ് കപ്പല് യാത്ര തിരിച്ചത്. കൊച്ചിയില് നിന്ന് തൂത്തുക്കുടിയിലേക്കാണ് കപ്പല് നീങ്ങേണ്ടിയിരുന്നത്. ശനിയാഴ്ച വൈകിട്ട് നാലരയോടെ കൊച്ചിയിലെത്തേണ്ടിയിരുന്ന കപ്പല് ചെരിയാനുണ്ടായ സാഹചര്യത്തെ കുറിച്ച് വ്യക്തത ലഭിച്ചിട്ടില്ല. കപ്പലിൽ 20 ഫിലിപ്പൈൻ പൗരൻമാരും രണ്ട് യുക്രെയ്ൻ പൗരന്മാരും ഒരു ജോർജിയൻ പൗരനും റഷ്യൻ പൗരനായ ക്യാപ്റ്റനുമാണ് ഉണ്ടായിരുന്നത്. കൊച്ചി തീരത്തുനിന്ന് 30 നോട്ടികൽ മൈൽ അകലെ അറബിക്കടലിലാണ് കപ്പൽ അപകടത്തിൽപ്പെട്ടത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)