 "Wayanad Tunnel Project: കേന്ദ്രത്തിന്റെ അനുമതി; വയനാട് തുരങ്കപാത യാഥാർത്ഥ്യത്തിലേക്ക്")
)
വയനാട്: വയനാട് തുരങ്ക പാതയ്ക്ക് കേന്ദ്രത്തിന്റെ അനുമതി. കേന്ദ്ര പരിസ്ഥിതി മന്ത്രാലയത്തിന് കീഴിലെ വിദഗ്ധ സമിതിയാണ് അനുമതി നല്കിയത്. വിജ്ഞാപനം ഉടന് ഉണ്ടാകുമെന്നാണ് വിവരം. വയനാട്- കോഴിക്കോട് ജില്ലകളെ ബന്ധിപ്പിച്ചുകൊണ്ട് ആനയ്ക്കാംപൊയിയില്നിന്ന് കല്ലാടി വരേയാണ് തുരങ്ക പാത.
8.7 കിലോമീറ്റര് ആണ് പാതയുടെ ദൈര്ഘ്യം. ഇതില് അഞ്ച് കിലോമീറ്റര് ദൂരം വനത്തിനടിയിലൂടെയുള്ള തുരങ്ക പാതയാണ്. മെയ് 14-15 തിയതികളില് നടന്ന കേന്ദ്ര പരിസ്ഥിതി മന്ത്രാലയത്തിന്റെ യോഗത്തിലാണ് തുരങ്ക പാത വ്യവസ്ഥകള് പാലിച്ചുകൊണ്ട് നടപ്പിലാക്കാനുള്ള ശുപാര്ശ നല്കിയത്.
പരിസ്ഥിതിയുമായി ബന്ധപ്പെട്ട സംസ്ഥാന വിദഗ്ധ സമിതി മാര്ച്ചില് പദ്ധതിയ്ക്ക് അനുമതി നല്കിയിരുന്നു. ഈ നിര്ദേശങ്ങള് അന്തിമമായി അംഗീകരിക്കേണ്ട സംസ്ഥാന പരിസ്ഥി ആഘാത വിലയിരുത്തല് അതോറിറ്റി അംഗങ്ങളുടെ കാലാവധി അവസാനിച്ചിരുന്നു. ഇതോടെയാണ് കന്ദ്ര വിദഗ്ധസമിതിയുടെ പരിഗണനയ്ക്ക് വിട്ടത്.
60 ഉപാധികളോടെയാണ് കേന്ദ്ര പരിസ്ഥിതി മന്ത്രാലയത്തിലെ വിദഗ്ധ സമിതി അന്തിമ പാരിസ്ഥിതികാനുമതി നല്കിയതെന്ന് ലിന്റോ ജോസഫ് എംഎല്എ പറഞ്ഞു. പാരിസ്ഥിതികാനുമതി ലഭിച്ചതോടെ കരാര് ഒപ്പിട്ട് തുരങ്കപാതയുടെ പ്രവര്ത്തനങ്ങള് ആരംഭിക്കാനാകും. പൊതുമരാമത്ത് വകുപ്പ്, കിഫ്ബി, കൊങ്കണ് റെയില്വേ എന്നിവയുടെ ത്രികക്ഷി കരാറിലാണ് തുരങ്കപാത നിര്മാണം നടക്കുക.
ഭോപ്പാല് ആസ്ഥാനമാക്കിയ ദിലിപ് ബില്ഡ്കോണ്, കൊല്ക്കത്ത ആസ്ഥാനമാക്കിയ റോയല് ഇന്ഫ്രാസ്ട്രക്ചര് എന്നീ കമ്പനികളാണ് കരാര് ഏറ്റെടുത്തത്. 2134 കോടി രൂപയാണ് പദ്ധതി ചെലവ്. ടെണ്ടര് നടപടികള് നേരത്തെ പൂര്ത്തീകരിച്ചിരുന്നു. കേന്ദ്രത്തിന്റെ അനുമതി ലഭിച്ചതോടെ പദ്ധതിയുമായി വേഗത്തിൽ മുന്നോട്ട് പോകാനാണ് സംസ്ഥാനത്തിന്റെ തീരുമാനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
