 "CM Writes To PM: അറസ്റ്റിലായ കന്യാസ്ത്രീകൾക്ക് നീതി ലഭ്യമാക്കണമെന്ന് ആവശ്യപ്പെട്ട് പ്രധാനമന്ത്രിക്ക് കത്തയച്ച് മുഖ്യമന്ത്രി")
തിരുവനന്തപുരം: ഛത്തീസ്ഗഡില് അറസ്റ്റു ചെയ്ത കന്യാസ്ത്രീകള്ക്ക് നീതി ലഭ്യമാക്കാന് ഇടപെടണമെന്ന ആവശ്യവുമായി മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്രമോദിക്ക് കത്തയച്ചു.
കോണ്വെന്റില് ജോലിക്ക് എത്തിയവരെ കൂട്ടിക്കൊണ്ടു വരാന് ഛത്തീസ്ഗഡിലെ ദുര്ഗ്ഗ് റെയില്വേ സ്റ്റേഷനില് എത്തിയ രണ്ട് കന്യാസ്ത്രീകളെയാണ് ഇന്നലെ കസ്റ്റഡിയില് എടുത്തത്. കസ്റ്റഡിയില് എടുത്ത ശേഷം ഇവരുമായി ആശയവിനിമയം നടത്താന് കഴിഞ്ഞിട്ടില്ലെന്ന പരാതിയുമായി ബന്ധുക്കള് സമീപിച്ചുവെന്നും മുഖ്യമന്ത്രി കത്തില് ചൂണ്ടിക്കാട്ടിയിട്ടുണ്ട്.
വിഷയത്തില് നേരിട്ട് ഇടപെടണമെന്നും സുതാര്യവും നീതിയുക്തവുമായ നടപടി ഉറപ്പാക്കണമെന്നും മുഖ്യമന്ത്രി പ്രധാനമന്ത്രിയോട് അഭ്യര്ത്ഥിച്ചിട്ടുണ്ട്. അറസ്റ്റിലായത് കണ്ണൂർ തലശേരി ഉദയഗിരി ഇടവകയിൽ നിന്നുള്ള സിസ്റ്റർ വന്ദന ഫ്രാൻസിസ്, അങ്കമാലി എളവൂർ ഇടവകയിൽ നിന്നുള്ള സിസ്റ്റർ പ്രീതി മേരി എന്നിവരാണ്. ബജ്റംഗ്ദൾ പ്രവർത്തകരുടെ പരാതിയുടെ അടിസ്ഥാനത്തിലാണ് ഈ നടപടി. ബജ്റംഗ്ദൾ പ്രവർത്തകർ മനുഷ്യക്കടത്ത് നടത്തുകയാണെന്ന് ആരോപിച്ച് ഇവരെ തടഞ്ഞുവെക്കുകയായായിരുന്നു എന്നാണ് റിപ്പോർട്ട്. രണ്ട് കന്യാസ്ത്രീകളും അവർക്കൊപ്പം ഒരു സഹായിയും ഉണ്ടായിരുന്നു.
കഴിഞ്ഞ ദിവസമാണ് ഛത്തീസ്ഗഡിലെ ദുര്ഗില് മനുഷ്യക്കടത്ത് ആരോപിച്ച് രണ്ട് മലയാളി കന്യാസ്ത്രീകളെ റെയില്വേ പോലീസ് അറസ്റ്റ് ചെയ്തത്. അറസ്റ്റിലായത് അസീസി സിസ്റ്റേഴ്സ് ഓഫ് മേരി ഇമ്മാക്കുലേറ്റ് സന്യാസിനി സമൂഹത്തിലെ അംഗങ്ങളാണിവര്. നാരായന്പുര് ജില്ലയില് നിന്നുള്ള മൂന്ന് പെണ്കുട്ടികളോടൊപ്പമായിരുന്നു കന്യാസ്ത്രീകള് സഞ്ചരിച്ചിരുന്നത്. 19 മുതല് 22 വയസ്സുള്ളവരായിരുന്നു പെൺകുട്ടികൾ. റെയില്വേ സ്റ്റേഷനിലെത്തിയ ബജ്റംഗ്ദള് പ്രവര്ത്തകര് ഇവര് നിര്ബന്ധിത മതപരിവര്ത്തനവും മനുഷ്യക്കടത്തും നടത്തുകയാണെന്ന് ആരോപിക്കുകയായിരുന്നു.
എന്നാൽ തങ്ങൾ സ്വന്തം ഇഷ്ടപ്രകാരം ഒരു ആശുപത്രിയിലെ ജോലിക്കായാണ് എത്തിയതാണെന്ന് പെൺകുട്ടികൾ പറഞ്ഞു. കൂടാതെ മാതാപിതാക്കളിൽ നിന്നുള്ള സമ്മതപത്രവും തിരിച്ചറിയൽ രേഖകളും പെൺകുട്ടികൾ കാണിക്കുകയും ചെയ്തു. എന്നാൽ ബജ്റംഗ്ദൾ പ്രവർത്തകരുടെ നിർബന്ധത്തിന് വഴങ്ങി കന്യാസ്ത്രീകളെ പോലീസ് സ്റ്റേഷനിലേക്ക് കൊണ്ടുപോവുകയായിരുന്നു എന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)