 "VC Appointment: സിസാ തോമസിനെയും കെ. ശിവപ്രസാദിനെയും താൽക്കാലിക വിസിമാരായി നിയമിച്ച് ഗവർണർ; വിജ്ഞാപനം പുറത്തിറക്കി രാജ്ഭവൻ")
തിരുവനന്തപുരം: സർവകലാശാലകളിലെ താൽക്കാലിക വൈസ് ചാൻസലർ നിയമനത്തിൽ സർക്കാർ തീരുമാനങ്ങളെ തള്ളി ഗവർണർ രാജേന്ദ്ര ആർലേക്കർ. സിസാ തോമസിനെ ഡിജിറ്റൽ സർവകലാശാല വിസിയായും കെ ശിവപ്രസാദിനെ കെടിയു സർവകലാശാല വിസിയായും വീണ്ടും നിയമിച്ചു. ആറ് മാസത്തേക്കാണ് താത്കാലിക നിയമനം. ഇത് സംബന്ധിച്ച വിജ്ഞാപനം രാജ്ഭവൻ പുറത്തിറക്കി.
ഡിജിറ്റൽ സർവകലാശാലയിലും സാങ്കേതിക സർവകലാശാലയിലും സ്ഥിരം വൈസ് ചാൻസലർമാർ വരുന്നത് വരെ നിലവിലുള്ള താത്കാലിക വിസിമാരെ പുനർനിയമിച്ച് ഉത്തരവ് ഇറക്കാമെന്ന് സുപ്രീംകോടതി ഉത്തരവിട്ടിരുന്നു. വ്യാഴാഴ്ച സുപ്രീംകോടതി ഉത്തരവിട്ടതിന് പിന്നാലെയാണ് വെള്ളിയാഴ്ച ഗവർണറുടെ നടപടി.
താത്കാലിക വിസിമാരെ നിയമിക്കേണ്ടത് സാങ്കേതിക സര്വകലാശാല ആക്ട് 13 (7) വകുപ്പ് പ്രകാരവും ഡിജിറ്റല് സര്വകലാശാല ആക്ട് 11 (10) വകുപ്പ് പ്രകാരവുമാണെന്നാണ് സുപ്രീംകോടതി വ്യക്തമാക്കിയിരിക്കുന്നത്. എന്നാൽ, ചാൻസലർ ആയ ഗവർണർക്ക് താത്കാലിക വിസിമാരെ നിയമിക്കണമെങ്കിൽ നിലവിൽ ഉള്ളവരെ വീണ്ടും നിയമിക്കണമെങ്കിൽ പോലും ഈ വകുപ്പുകൾ പാലിക്കേണ്ടതായുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
