Coconut Oil Price: വെളിച്ചെണ്ണ വില കുറയുമോ? കേരളത്തിന് ഓണസമ്മാനവുമായി ജി.ആർ അനിൽ

തിരുവനന്തപുരം: സംസ്ഥാനത്ത് വെളിച്ചെണ്ണയുടെ വില കുറയുമെന്ന് മന്ത്രി ജി.ആർ അനിൽ. ഇത് സംബന്ധിച്ച് കൃഷി മന്ത്രിയുമായി സംസാരിച്ചുവെന്നും അദ്ദേഹം പറ‍ഞ്ഞു. വിലക്കയറ്റത്തിലൂടെ കേര കർഷകർക്ക് കൂടുതൽ ലാഭം കിട്ടി എന്നത് മാത്രമാണ് നേട്ടം. എന്നാൽ ഇത് മൂലം കൂടുതൽ പ്രയോജനമുണ്ടായത് തമിഴ്നാട്ടുകാർക്കാണെന്നും മന്ത്രി കൂട്ടിച്ചേർത്തു. 

ഓണത്തിന് മുൻപ് തന്നെ സംസ്ഥാനത്ത് വെളിച്ചെണ്ണയുടെ വില കുറയും. അമിതലാഭം ഈടാക്കാതെ വെളിച്ചെണ്ണ ലഭ്യമാക്കുന്നതിനായി സംരംഭകരോട് സംസാരിച്ചുവെന്നും നിലവിലെ 349 രൂപ എന്ന വില ഇനിയും കുറയുമെന്നും മന്ത്രി വ്യക്തമാക്കി. 

ഓണത്തിന് മുൻപ് വെളിച്ചണ്ണയുടെ വില കുറയും. അമിത ലാഭം ഈടാക്കാതെ വെളിച്ചെണ്ണ നൽകാൻ സംരംഭകരുമായി സംസാരിച്ചു. 349 നിലവിലെ വില അത് ഇനിയും കുറയും. വില ആറാം തിയതി മുതൽ പ്രാബല്യത്തിൽ വരുമെന്നും അദ്ദേഹം അറിയിച്ചു. ഈ മാസം ആറാം തിയതി മുതൽ വെളിച്ചെണ്ണയുടെ വില കുറയും. 

Also Read: Koyilandy News: ട്രെയിനിൽ നിന്നും ചാടി ഇറങ്ങുന്നതിനിടെ ട്രാക്കിൽ വീണു; കോഴിക്കോട് യുവാവിന്റെ കാലുകളറ്റു

ഓ​ഗസ്റ്റ് 10 മുതൽ മുതൽ സപ്ലൈകോ ഔട്ട്ലെറ്റുകളും വെളിച്ചെണ്ണ ലഭ്യമാകും. സപ്ലൈകോയിൽ ഇനി മുതൽ ഒഴിഞ്ഞ അലമാരയുണ്ടാകില്ലെന്നും മന്ത്രി പറഞ്ഞു. കേരളത്തിലെ 140 മണ്ഡലങ്ങളിലും ഓണത്തിന് സഞ്ചരിക്കുന്ന മൊബൈൽ മാവേലി സ്റ്റോർ പ്രവർത്തിക്കുമെന്നും മന്ത്രി വ്യക്തമാക്കി. ഗ്രാമങ്ങളിൽ മാവേലി സ്റ്റോറിന്റെ പ്രവർത്തനം ലഭ്യമാകുന്നതിനായാണ് ഇത്തരത്തിൽ സഞ്ചരിക്കുന്ന മാവേലി സ്റ്റോർ പ്രവർത്തിക്കുന്നതെന്നും അദ്ദേഹം കൂട്ടിച്ചേർത്തു. 

സപ്ലൈകോ വഴിയുള്ള വെളിച്ചെണ്ണയുടെ വില ഓണക്കാലത്ത് കുറയുമെന്ന് മന്ത്രി നേരത്തെ തന്നെ അറിയിച്ചിരുന്നതാണ്. വിലകുറയ്ക്കാനുള്ള നിർദ്ദേശം ഉത്പാദന കേന്ദ്രത്തിന് നൽകിയിട്ടുണ്ട്. ഓണക്കിറ്റിൽ കൂടുതൽ വെളിച്ചെണ്ണ ഉൾപ്പെടുത്തുന്ന കാര്യവും ആലോചനയിലുണ്ട്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.