 "Covid in Kerala: സംസ്ഥാനത്ത് കൊവിഡ് കേസുകൾ ആയിരം കടന്നു; നിലവില് 1,147 പേര് ചികിത്സയില്")
തിരുവനന്തപുരം: കേരളത്തിൽ കോവിഡ് കേസുകളുടെ എണ്ണം വർദ്ധിക്കുന്നു. 1,147 പേരാണ് നിലവിൽ കൊവിഡ് ബാധിച്ച് ചികിത്സയിൽ കഴിയുന്നത്. 4 ദിവസത്തിനിടെ 717 കൊവിഡ് പോസിറ്റീവ് കേസുകളാണ് റിപ്പോർട്ട് ചെയ്തത്. കോട്ടയം, എറണാകുളം, തിരുവനന്തപുരം, പത്തനംതിട്ട ജില്ലകളിലാണ് കൂടുതൽ കേസുകളെന്നാണ് വിവരം.
രാജ്യത്ത് കേവിഡ് കേസുകളുടെ എണ്ണത്തിൽ കേരളമാണ് ഒന്നാമതായി നിൽക്കുന്നത്. മറ്റ് സംസ്ഥാനങ്ങിലും രോഗികളുടെ എണ്ണം ഉയരുന്നുണ്ടെങ്കിലും കേരളമാണ് കണക്കുകളിൽ മുന്നില് നിൽക്കുന്നത്. രാജ്യത്ത് 24 മണിക്കൂറിനിടെ 511 പേർക്കാണ് രോഗം സ്ഥിരീകരിച്ചത്. അതിൽ 227 കേസുകളും കേരളത്തിലാണ് റിപ്പോർട്ട് ചെയ്തത്.
അതേസമയം, ദക്ഷിണ പൂര്വേഷ്യന് രാജ്യങ്ങളില് കണ്ടെത്തിയ ഒമിക്രോണ് ജെഎന് 1 വകഭേദമായ എല്എഫ് 7 ആണ് കേരളത്തിലുമെന്ന് കണ്ടെത്തിയിട്ടുണ്ടെന്ന് ആരോഗ്യമന്ത്രി വീണാ ജോർജ് പറഞ്ഞു. ഈ വകഭേദത്തിന് തീവ്രത കുറവാണെങ്കിലും വ്യാപന ശേഷി ഉള്ളതിനാല് എല്ലാവരും ശ്രദ്ധിക്കേണ്ടതുണ്ട്. കോവിഡിന് സ്വയം പ്രതിരോധം വളരെ പ്രധാനമാണ്. ക്യാമ്പുകളില് കോവിഡ് പകരാതിരിക്കാന് അധികൃതര് മുന്കരുതലുകള് സ്വീകരിക്കണമെന്നും മന്ത്രി നിര്ദേശം നല്കി.
കോവിഡിനെ പ്രതിരോധിക്കാന് മാസ്ക് ധരിക്കുക. ഇടയ്ക്ക് കൈകള് സോപ്പ് ഉപയോഗിച്ച് കഴുകുക. സാനിറ്റൈസര് ഉപയോഗിക്കുക. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് ക്യാമ്പുകളില് ഉണ്ടെങ്കില് നിര്ബന്ധമായും മാസ്ക് ധരിക്കുക. പ്രായമായവരും, ഗര്ഭിണികളും, ഗുരുതര രോഗമുള്ളവരും മാസ്ക് ധരിക്കണം. എന്തെങ്കിലും രോഗ ലക്ഷണങ്ങള് കാണുന്നുണ്ടെങ്കില് ആരോഗ്യ വകുപ്പിനെ അറിയിക്കണമെന്നും മന്ത്രി നിർദേശം നൽകി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
