Father Killed By Son: മകന്റെ മർദ്ദനത്തിൽ ​ഗുരുതരമായി പരിക്കേറ്റ അച്ഛൻ മരിച്ചു; തർക്കമുണ്ടായത് വിവാഹകാര്യത്തെച്ചൊല്ലി

Son Killed His Father: ഗുരുതരമായി പരിക്കേറ്റ ​ഗിരീഷ് കോഴിക്കോട് മെഡിക്കൽ കോളേജിൽ ചികിത്സയിലിരിക്കെയാണ് മരിച്ചത്. ബുധനാഴ്ച വൈകിട്ടോടെയാണ് മരിച്ചത്.

കോഴിക്കോട്: കോഴിക്കോട് കുണ്ടായിത്തോട് മകന്റെ മർദ്ദനമേറ്റ് ​ഗുരുതരാവസ്ഥയിൽ ചികിത്സയിലായിരുന്ന അച്ഛൻ മരിച്ചു. കുണ്ടായിത്തോട് സ്വദേശി ​ഗിരീഷ് (49) ആണ് മരിച്ചത്. കഴിഞ്ഞ ബുധനാഴ്ചയാണ് കുണ്ടായിത്തോടുള്ള വീട്ടിൽ വച്ച് ​ഗിരീഷിനെ മകൻ സനൽ മർദ്ദിച്ചത്. ​ഗുരുതരമായി പരിക്കേറ്റ ​ഗിരീഷ് കോഴിക്കോട് മെഡിക്കൽ കോളേജിൽ ചികിത്സയിലിരിക്കെയാണ് മരിച്ചത്. ബുധനാഴ്ച വൈകിട്ടോടെയാണ് മരിച്ചത്. 

Add Zee News as a Preferred Source

ബേപ്പൂരിലെ വാടക വീട്ടിലാണ് സനലും അമ്മ പ്രസീതയും താമസിക്കുന്നത്. കുണ്ടായിത്തോട്ടിലെ വീട്ടിൽ ​ഗിരീഷും രണ്ട് സഹോദരിമാരും ഇവരുടെ മക്കളുമാണ് താമസിച്ചിരുന്നത്. രാത്രി സനൽ മദ്യപിച്ച് ​ഗിരീഷിന്റെ വീട്ടിലെത്തിയെന്നാണ് വിവരം. തുടർന്ന് ഇരുവരും തമ്മിൽ വാക്കേറ്റമുണ്ടായി. തുടർന്ന് സനൽ ​ഗിരീഷിനെ മർദ്ദിക്കുകയായിരുന്നു. സാരമായി പരിക്കേറ്റ ​ഗിരീഷിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.

​ഗിരീഷിന്റെ ആരോ​ഗ്യനില വഷളായതോടെ വെന്റിലേറ്ററിൽ പ്രവേശിപ്പിച്ചു. ഇതിനിടെ പോലീസ് കേസെടുത്തതോടെ സനൽ ഒളിവിൽ പോയി. ​ഗിരീഷ് ​കൂലിപ്പണിക്കാരനായിരുന്നു. ​ഗിരീഷിന്റെ ഒരു സഹോദരിയുടെ ഭർത്താവ് മരിച്ചു. മറ്റൊരു സഹോദരി ഭർത്താവുമായി അകന്നാണ് കഴിയുന്നത്. ഇതോടെ രണ്ട് സഹോദരിമാരും ​ഗിരീഷിന്റെ വീട്ടിലായിരുന്നു താമസം.

സനൽ പല സ്ഥാപനങ്ങളിലും ജോലി ചെയ്തിരുന്നു. പ്രസീതയും സനലും രണ്ട് വർഷം മുൻപാണ് ബേപ്പൂരിലെ വാടക വീട്ടിലേക്ക് മാറിയത്. കുടുംബത്തിൽ പ്രശ്നങ്ങൾ പതിവായിരുന്നെന്ന് നാട്ടുകാർ പറയുന്നു. എടവണ്ണപ്പാറയിലേക്ക് വിവാഹം കഴിപ്പിച്ച ​ഗിരീഷിന്റെ മകൾ സോനയുടെ ഭർത്താവിനെ രണ്ട് മാസത്തോളമായി കാണാനില്ല. ഇയാൾക്കായി പോലീസ് അന്വേഷണം പുരോ​ഗമിക്കുകയാണ്.